Uashingtoni po përgatitet për akuzat e para penale lidhur me ndërhyrjen e Rusisë në zgjedhjet presidenciale të vitit 2016. Presidenti Donald Trump vazhdoi të pretendojë sot se hetimet janë një “Gjueti Shtrigash”.
Sipas disa mediave kryesore amerikane, një juri federale miratoi të premten akuzat për hetimin që drejtohet nga Prokurori i Posaçëm Robert Mueller. Akuzat mund të bëhen të ditura të hënën se një i dyshuar mund të arrestohet.
Nuk është ende e njohur se kush është në shënjestër apo për natyrën e akuzave. Ato janë të mbyllura me urdhër të një gjykatësi federal.
Por akuzat mund të shënojnë një arritje të rëndësishme në periudhën nëntë-mujore të presidentit Trump në Shtëpinë e Bardhë. Ai shpesh i ka hedhur poshtë hetimet, atë të prokurorit Mueller dhe tre të kryera nga kongresi për lidhje të mundshme mes fushatës së tij dhe Rusisë duke argumentuar se ato janë përpjekje nga demokratët për të shpjeguar humbjen e sfidueses së tij, ish sekretares së Shtetit Hillary Clinton.
Një një koment në Twitter javën e kaluar, Trump tha, “Është pranuar tashmë gjërësisht se pas disa muajsh hetimesh të kushtueshme, nuk ka patur bashkëpunim mes Rusisë dhe Trumpit. Bashkëpunimi ishte me Hillary Clinton.
Të dielën ai tha se nuk kishte “pare asnjëherë kaq shumë zemërim dhe bashkim mes republikanëve për mungesën e një hetimi mbi Clintonin” për financimin e fushatës së saj për kërkimet mbi lidhjet mes Trumpit dhe Rusisë, që u fillua nga një agjenci konservatore lajmesh, Washington Free Beacon, dhe më pas u vazhdua nga fushata Clinton dhe Komiteti Kombëtar Demokrat me një shumë që presidenti sugjeroi të kishte kushtuar për 12 milionë dollarë. Një ish oficer britanik i zbulimit u punësua për hetimin dhe realizoi atë që presidentit Trump thotë se ishte një “dosje e rreme” rreth lidhjeve mes biznesit të tij dhe Rusisë, si dhe akuza të pabaza për lidhjen e tij me prostitute ruse.
Presidenti Trump tha se republikanët janë gjithashtu të zemëruar për mungesën e hetimeve për një marrëveshje për uranium në vitin 2013 në të cilën Rusia mori kontrollin e 20 përqind të prodhimit amerikan dhe lidhjet e supozuara për financimin e fondacionit bamirës të zotit Klintonit, përfshirjen e ish drejtorit të FBI-së James Comey në hetimin e trajtimit të materialeve të klasifikuar në emailet në serverin e saj privat kur zonja Clinton ishte diplomatja më e lartë e vendit nga viti 2009 në 2013 “, dhe shumë më tepër.
“Në vend të kësaj ata kërkojnë për bashkëpunim të fshehtë Trump/Rusia që nuk ekziston”, tha zoti Trump. “Demokratët po përdorin këtë gjueti shtrigash për politikë të keqe, por republikanët po kundër-luftojnë si asnjëherë më parë”.
Në fillimin e vitit 2017-të, komuniteti i agjensive amerikane të zbulimit arriti në konkluzionin se Presidenti rus Vladimir Putin drejtoi personalisht një fushatë për të dëmtuar demokracinë amerikane dhe për të ndihmuar në fitoren e zgjedhjeve nga zoti Trump. Por, asnjë nga hetimet disa mujore nuk ka përfunduar ende dhe nuk janë nxjerrë konkluzione, në kundërshtim nga pretendimet e Presidentit Trump.
Përveç ekzaminimit të ndërhyrjes së Rusisë, zoti Mueller po heton gjithashtu nëse Presidenti Trump pengoi drejtësinë duke shkarkuar zotin Comey, i cili drejtonte hetimet e agjensisë për Rusinë, përpara se të caktohej zoti Mueller, i cili gjithashtu ka qenë më parë drejtor i FBI-së.
Presidenti Trump tha se po mendonte për “çështjen e Rusisë”, kur vendosi të shkarkonte zotin Comey në muajin maj të vitit të kaluar, dhe një ditë më pas iu mburr zyrtarëve rusë në një takim në Shtëpinë e Bardhë, se duke larguar zotin Comey, pati hequr “një presion të madh” ndaj presidencës së tij. Ai e përshkroi zotin Comey si një “i çmendur, krejtësisht i lajthitur”.
Por, pak ditë më pas, Zëvendës Prokurori i Përgjithshëm Rod Rosenstein emëroi zotin Mueller në krye të hetimeve, pasi Prokurori i Përgjithshëm Jeff Sessions ishte vetëdorëhequr nga menaxhimi i hetimit të Rusisë, duke e lënë të zhgënjyer Presidentin Trump.
Ekspertët ligjorë thonë se akuzat fillestare mund të ngrihen ndaj një personazhi dytësor të çështjes, si një strategji e zakonshme e prokurorëve që ndërtojnë dosjen duke ia filluar nga zyrtarët e nivelit të ulët, për t’u fokusuar më pas tek emra më të rëndësishëm.
Kanali televiziv CNN njoftoi se juristë që punojnë si pjesë e ekipit Mueller u panë ditën e premte të hynin në një sallë gjykate federale në Uashington, ku mblidhet juria e madhe federale për të dëgjuar dëshmitarët.
Zoti Mueller mendohet se po shqyrton veprimtarinë e dy zyrtarëve kryesorë të fushatës elektorale Trump: ish-këshilltarin e sigurisë kombëtare Michael Flynn, i cili u shkarkua nga zoti Trump në më pak se një muaj pas marrjes së detyrës, pasi gënjeu Zëvendës Presidentin Mike Pence dhe zyrtarët e tjerë, për konktatet e mbajtura me ambasadorin e Rusisë në Uashington; si dhe, Paul Manafort, i cili ishte për një periudhë të shkurtër vitin e kaluar menaxher i fushatës Trump, ndërkohë që kishte interesa të mëdha lobizmi në Ukrainë, si dhe lidhje me Rusinë.
Disa republikanë kanë filluar të bëjnë thirrje për përfundimin e hetimeve, por një ligjvënës kryesor republikan, Trey Gowdy, i tha sot kanalit Fox News se ai i inkurajon anëtarët e partisë së tij që t’i japin shansin zotit Mueller të bëjë punën e tij dhe se ai nuk ka bërë diçka që mund të dëmtojë besimin tek ai, si dhe se zoti Mueller është plotësisht apolitik. Ligjvënësi Gowdy u shpreh se ai është kundër prerjes së fondeve për hetimet e zotit Mueller.
Ligjvënësi Gowdy, si kryetar i komisionit të mbikqyrjes së qeverisë në Dhomën e Përfaqësuesve, filloi javën e kaluar një hetim për menaxhimin e procesit nga zoti Comey dhe FBI-ja, të përdorimit të një serveri email-i privat nga zonja Clinton./VOA/
Uashingtoni po përgatitet për akuzat e para penale ndaj Rusisë
Kuriozitetet më të rralla nëpër Botë
Shpesh njerëzit takohen me kuriozitete të rralla që ndodhin nëpër Botë. Disa mbesin mister kurse disa të tjera shpjegohen në mënyra të ndryshme, më shumë si fenomene
1. Femra që ka lindur më shumë fëmijë është një ukrainase. Ajo ka lindur 69 fëmijë, nga të cilët vetëm dy i kishin vdekur gjatë lindjes.
2. Fëmija më i rëndë në botë është lindur në vitin 1954 nga italiania Carmelina Fdele nga Aversa. Djali i saj peshonte ditën e lindjes 10,2 kg.
3. Bethoveni para se të kompozonte fuste kokën në ujë. Ainstein deri në moshën 9 vjeç nuk fliste normalisht.
4. I vetmi majmun që është dënuar nga një gjykatë e vërtetë është shimpanzeja Coco në Florida, në vitin 1984. Ky majmun jetonte me një të papunë artist, i cili jepte spektakle të vogla. Shuma e vjedhur arrinte vlerat 200 000 USD. Ai u dënua me burgim të përjetshëm.
5. Libri që mban rekordin më të madh për shitje është ai i Hillary Clintonit, me librin autobiografi “Histori e përjetuar”. Në ditën e parë të hedhjes në treg të këtij libri, në qershor të vitit 2003, u shitën në një ditë (rekord) 200 000 ekzemplarë të tij.
6. Mbiemri më i shpeshtë në botë në rangun internacional është mbiemri Chang. Rreth 75 milionë njerëz në Kinë kanë këtë mbiemër. Vendin e dytë e ka mbiemri Smith në Angli. Rreth 800 000 veta e kanë këtë mbiemër.
7. Kazinoja më e madhe e botës gjendet në MGM – HOTEL, në metropolin e Las Vegasit. Në një sipërfaqe afërsisht 16 000 kuadrat metër, gjenden pothuajse 3500 automate të lojërave të ndryshme dhe 165 tavolina loje.
8. Biblioteka më e madhe në botë gjendet në kryeqytetin amerikan Uashington. Kjo bibliotekë u ndërtua në 24 Prill 1800. Në të gjenden 107 milionë shkrime të të gjitha arteve.
9. I vetmi elefant në botë që flet është pjesëtar i një cirku rus. Ky elefant mundet të thotë deri në 20 fjali. Elefanti ka jetuar që në vogëli mes njerëzve dhe ka arritur të artikulojë tinguj njerëzish.
10. Burri më i shkurtër në botë është Gul Mohammed nga India. Pas matjeve të bëra më 19 qershor 1990 në spitalin “Rahm Manohar” të New Delphit (In), u arrit se ai është vetëm 57 cm dhe mban deri më sot rekordin.
11. Si gruaja më e vogël në botë deri me sot është konsideruar Pauline Musters, e lindur në 26 nëntor 1876 në Holandë. Mbas lindjes së saj, ajo ishte vetëm 30 cm. Në moshën 9-vjeçare ajo ishte 55 cm dhe peshonte vetëm 1,5 kg, ndërsa në moshën 19-vjeçare ajo arriti vetëm në 61 cm e gjatë.
12. Shteti që konsumon më shumë bukë në botë është Turqia. Llogaritjet tregojnë se mesatarja e çdo personi në përdorimin e bukës arrin në 199,6 kg.
13. Pijanecët më të shumtë në botë janë në Irlandë. Çdo personi i takon të pijë mesatarisht 12,3 litër pije alkoolike, verë, birrë etj.
14. Duhanxhinjtë më të shumtë ndodhen në Kinë. Sipas llogaritjeve të fundit, në Kinë janë shitur 1,69 bilionë cigare (më shumë se në çdo vend tjetër). Në gjithë botën janë shitur 5,5 bilionë cigare.
15. Operacioni më i gjatë në botë ka zgjatur 96 orë gjithsej. Ka nisur në datën 4 deri në datën 8 shkurt të vitit 1951, në një spital të Çikagos. Pacientja Getrude Lewandowski mbas operimit kishte reduktuar peshën e saj gjatë këtyre 96 orëve, nga 280 kg në 140 kg.
16. Rekordin për gjatësi për gratë e mban Zeng Jinlian nga Kina. Ajo tashmë ka vdekur, por rekordi nuk është thyer akoma. Ajo ishte 2 metër e 48 cm. (Ka vdekur më 13 shkurt 1982).
17. Rekordin për gratë me peshë më të rëndë mban amerikania Rosalie Bradford. Në janarin e vitit 1987 ajo arriti dhe kulmin e peshës së saj, me 544 kg.
18. Doktori më i ri në botë është Balamurali Ambati, i lindur në Amerikë më 29 qershor 1977. Ai u diplomua në Maunt Sinai SChool of Medicine në New York City, më 19 maj 1995, në moshën 17-vjeçare.
19. Binjakët më të rëndë në botë janë vëllezërit Billy Leoni, (lindur me 1946 dhe që vdiq në vitin 1979) me të vëllanë Benny LLoyd, po i lindur në vitin 1946 dhe që vdiq në vitin 2001. Ata peshonin pas moshës 6-vjeçare, njeri 337 kg dhe tjetri 328 kg.
20. Si mamaja më e vjetër në botë deri më sot mbahet Rossana dalla Corte, e cila lindi më 18 qershor 1994, në moshën 63-vjeçare, një djalë.
21. Sipas studimeve më të fundit, një mashkull harxhon mesatarisht 3350 orë gjatë gjithë jetës së tij duke u ruajtur e qethur.
22. Kur thyhet një xham disa copëza shpërndahen me shpejtësi 3000 milje në orë. Ndërkohë që shpejtësia e të tjerave është shumë herë më e vogël.
23. Ajsbergu më i madh i matur deri më sot ka qenë me gjatësi 200 milje dhe gjerësi 60 milje, ai ka pasur një sipërfaqe më të madhe se Belgjika.
24. Dallga më e madhe e regjistruar deri më sot ka qenë në vitin 1971 në ishullin Ishigaki, Japoni, me lartësi 85 m.
25. Në një natë të kthjellët, sipas astrologëve amerikanë, çdo njeri mund të shohë jo më pak se rreth 2000 yje me sy të lirë.
26. Vetëm mushkonjat femra pickojnë, ndërkohë që mushkonjat e seksit mashkull duan të “sorrollaten” në zona të ndotura si këneta, etj.
27. Në 1 kg limon ka më tepër sheqer se në 1 kg luleshtrydhe. Sipas dietologëve, është më mirë që limoni të konsumohet i shtrydhur në ujë.
28. Shteti me më tepër rrugë të asfaltuara në të gjithë botën mendohet të jetë Franca. Madje kjo është shënuar edhe në rekordet Gines.
29. Një shqiponjë mund ta shohë prenë e saj që 3000 metra larg, ndërkohë që kuajt mund të qëndrojnë deri në 1 muaj në këmbë.
30. Është vërtetuar që asnjë person nuk mund të teshtijë pa i mbyllur sytë. Shkencëtarët kanë bërë edhe eksperimente për këtë dhe kanë arritur në përfundimin se është e pamundur.
31. Nga barku i vajzës 20-vjeçare nga Devoni Jugor, Angli, u nxor “topi” nga qimet e flokëve të saj të cilat i kishte gëlltitur. Ai ishte i rëndë 2,5 kg. Operimi u realizua në mars 1985.
32. Kompjuterat modern janë ndërtuar duke u bazuar në sistemin nervor, por edhe kompjuteri modern nuk i afrohet as nivelit të një zvarritësi.
33. Një njeri i rritur merr frymë afërsisht 25 000 herë në ditë. Kurse rreth 27% e ushqimit në vendet e zhvilluara përfundon në koshat e plehrave.
34. Është vërtetuar që mundësia për të rënë rrufeja është 1 në 600,000. Kur ndodh të gjithë njerëzit nuk duhet të kenë gjëra të hekurta në duar.
35. Mjalti mund të qëndrojë pa u prishur 3000 vjet dhe për këtë arsye dylli i mjaltit përdoret për procesin e mumjazimit.
36. Video-lojërat i bëjnë fëmijët e trashë dhe agresivë, ndërkohë që përdorimi i tepër i kompjuterit orar pa orar u dëmton atyre qetësinë nervore.
37. Shtëpiaket tradhtojnë burrat virtualisht. Ato janë të kënaqura me aktivitetin e tyre fizik dhe kërkojnë nga “miku” i internetit kënaqësi shpirtërore.
38. Rekordin e martesave e ka thyer një 85-vjeçar, i cili është martuar plot 130 herë. Ngjarja e pazakontë ka ndodhur në Kenia, ku Ancentus Akuku ka deklaruar se i është dashur shumë mund dhe diktaturë për të pasur familje të lumtur.
39. Një amerikan kaloi një javë në burg për arsye se tre fëmijët e tij të vegjël ishin djegur nga dielli gjatë pushimeve në plazh.
40. Ndërtimi i Shtëpisë së Bardhë në Amerikë filloi në vitin 1792. Në vitin 1800 presidenti dhe zonja John Adams ishin familja e parë që jetuan aty.
41. Lotët është zbuluar se kanë efekt që të zhdukin bakteriet dhe të mbrojnë sytë nga infeksionet.
42. Në gjuhën e njeriut gjenden 100 lloje damarësh për të shijuar. Në sy gjenden 130 milionë qeliza shikimi.
43. Krokodili është e vetmja kafshë që vazhdon e zgjatet deri në ditën e fundit të ekzistencës, centimetrat e saj ndryshojnë nga muaji në muaj.
44. Titaniku është anija që konsiderohet si anija e parë gjigante në botë. Kapaciteti ka qenë 46000 tonë, me gjatësi 268 m dhe lartësi 53 m. Mund të udhëtonin 1343 udhëtarë.
45. Kënga më e gjatë në botën e muzikës mbahet himni sovjetik, i përbërë nga 65 strofa. Në maj të vitit 1987, një moderator kanadez mendoi ta shtonte himnin, i cili brenda pak javësh rekordi arriti në 689 strofa.
46. Nga një operacion në tëmth që iu bë një pacienti në Londër, kirurgët hoqën afro 230530 gurë të vegjël nga tëmthi i tij me madhësi 1,5 deri 15 milimetra.
47. Truri më i vjetër në botë është gjetur nga arkeologët në Torfmoor në Florida. Është gjendur truri i një 45-vjeçareje e cila kishte jetuar afërsisht 8000 vjet më parë.
48. Poezia më e gjatë në botë u përfundua mbas 30 vitesh punë nga shkrimtari Jose´ Rumanzo nga Ecuador. “Perusia” përbëhet nga 7 volume, me 5000 faqe gjithsej dhe nga 230 000 rreshta.
49. Syri i një struci është më madh se truri i tij, ndërkohë që në trurin e maceve ka më shumë se 32 muskuj.
50. Është vërtetuar që një ari i rritur mund të vrapojë po aq shpejt sa një kalë. Kurse breshka mund të ecë me 10 km në orë
Dëshmitari i CEZ-DIA publikon intervistën e bujshme të gruas së Kastriot Ismailajt: ja politikanët e lartë që kanë lidhje me burrin tim
Dëshmitari i njohur i aferës CEZ-DIA, Romeo Kara, ka publikuar tre video, bashkëbisedim të gazetarit Fatos Mahmutaj me gruan e kreun e DIA-s, Vojsava Ismailaj, e cila bën deklaratë të bujshme dhe flet për marrëdhëniet e bashkëshortit të saj Kastriot Ismailaj me emra të lartë të politikës shqiptare.
Videot janë një bashkëbisedim bruto që gazetari Fatos Mahmutaj ka zhvilluar në një hotel në Vjenë me Vojsava Ismailajn, një vit më parë.
Në këtë bashkëbisedim, znj. Ismailaj deklaron se kërkon hetim të plotë për aferën CEZ-DIA dhe sipas saj Prokuroria dhe gjykatat aktuale nuk janë të pavarura.
Znj. Ismailaj përmend miqësinë e afërt të familjes së Presidenit Ilir Meta me Kastriot Ismailaj, ndërkohë që ka deklaruar se i shoqi i saj ka qenë ai që ka kryer kontaktet me kompaninë CEZ me kërkesë të Ilir Metës.
Znj. Ismailaj, thekson gjithashtu se i shoqi ka financuar disa herë fushatat elektorale dhe është përdorur nga politika për lidhjet e tij.
Bashkëshortja e Ismailajt, ndërkaq përmend edhe Kryeprokurorin Adriatik Llalla në intervistën e saj ku thekson se i biri i Prokurorit të Përgjithshëm i ka thënë djalit të Kastriot e Vojsava Ismailajt që janë në një klasë se “babi im do ta dënojë babin tat”.
Bën përshtypje fakti që dëshmitari i CEZ, Romeo Kara, i ka hedhur videot e Ismailajt pikërisht në këtë kohë kur po flitet gjithnjë e më shumë për “dosje të rënda” ndaj politikanëve.
Një tjetër fakt që të bën përshtypje është se Romeo Kara, pas publikimit të videove, ku ka bërë edhe një postim, thekson se pret që të zbardhet afera e plotë e çështjes CEZ-DIA.
Por menjëherë pas publikimit të videove dhe postimit, Romeo Kara ka publikuar disa foto me familjen e tij që janë shkrepur në kryeqendrën e Bashkimit Europian, Bruksel. A është sinjal se Kara është larguar nga Shqipëria pasi ka pasur kërcënim?
Ja postimi i Romeo Kara:
“Te nderuar Miq,
Ju uroj shikim te kendshem, me qetesi dhe dashuri, tre videove te ndryshme te se njejtes interviste, te cilen gruaja e Kastriot Ismailajt, Vojsava Ismailaj, ia dha me 12 shkurt 2016, ne nje hotel te Vienes, gazetarit investigativ Fatos Mahmutaj, ku ajo prononcohet qarte lidhur me natyren korruptive te kontrates DIA-CEZ, si dhe rolin e Ilir Metes ne kete afere.
Videot, jane nje material bruto i paperpunuar, ne baze te se cilit,, u botua nje interviste e shkruar ne internet, disa muaj me pare, po nga gazetari Mahmutaj.
Nuk besoj se ekspertet inkompetente te videos Prifti, te thone perseri se videot jane te trukuara.
Videot jane postuar nga une vetem pak minuta me pare”.
Më poshtë videot e intervistës së Fatos Mahmutaj me Vojsava Ismailajn. /tesheshi.com/
Dëshmitari i CEZ-DIA publikon intervistën e bujshme të gruas së Kastriot Ismailajt: ja politikanët e lartë që kanë lidhje me burrin tim
Dëshmitari i njohur i aferës CEZ-DIA, Romeo Kara, ka publikuar tre video, bashkëbisedim të gazetarit Fatos Mahmutaj me gruan e kreun e DIA-s, Vojsava Ismailaj, e cila bën deklaratë të bujshme dhe flet për marrëdhëniet e bashkëshortit të saj Kastriot Ismailaj me emra të lartë të politikës shqiptare.
Videot janë një bashkëbisedim bruto që gazetari Fatos Mahmutaj ka zhvilluar në një hotel në Vjenë me Vojsava Ismailajn, një vit më parë.
Në këtë bashkëbisedim, znj. Ismailaj deklaron se kërkon hetim të plotë për aferën CEZ-DIA dhe sipas saj Prokuroria dhe gjykatat aktuale nuk janë të pavarura.
Znj. Ismailaj përmend miqësinë e afërt të familjes së Presidenit Ilir Meta me Kastriot Ismailaj, ndërkohë që ka deklaruar se i shoqi i saj ka qenë ai që ka kryer kontaktet me kompaninë CEZ me kërkesë të Ilir Metës.
Znj. Ismailaj, thekson gjithashtu se i shoqi ka financuar disa herë fushatat elektorale dhe është përdorur nga politika për lidhjet e tij.
Bashkëshortja e Ismailajt, ndërkaq përmend edhe Kryeprokurorin Adriatik Llalla në intervistën e saj ku thekson se i biri i Prokurorit të Përgjithshëm i ka thënë djalit të Kastriot e Vojsava Ismailajt që janë në një klasë se “babi im do ta dënojë babin tat”.
Bën përshtypje fakti që dëshmitari i CEZ, Romeo Kara, i ka hedhur videot e Ismailajt pikërisht në këtë kohë kur po flitet gjithnjë e më shumë për “dosje të rënda” ndaj politikanëve.
Një tjetër fakt që të bën përshtypje është se Romeo Kara, pas publikimit të videove, ku ka bërë edhe një postim, thekson se pret që të zbardhet afera e plotë e çështjes CEZ-DIA.
Por menjëherë pas publikimit të videove dhe postimit, Romeo Kara ka publikuar disa foto me familjen e tij që janë shkrepur në kryeqendrën e Bashkimit Europian, Bruksel. A është sinjal se Kara është larguar nga Shqipëria pasi ka pasur kërcënim?
Ja postimi i Romeo Kara:
“Te nderuar Miq,
Ju uroj shikim te kendshem, me qetesi dhe dashuri, tre videove te ndryshme te se njejtes interviste, te cilen gruaja e Kastriot Ismailajt, Vojsava Ismailaj, ia dha me 12 shkurt 2016, ne nje hotel te Vienes, gazetarit investigativ Fatos Mahmutaj, ku ajo prononcohet qarte lidhur me natyren korruptive te kontrates DIA-CEZ, si dhe rolin e Ilir Metes ne kete afere.
Videot, jane nje material bruto i paperpunuar, ne baze te se cilit,, u botua nje interviste e shkruar ne internet, disa muaj me pare, po nga gazetari Mahmutaj.
Nuk besoj se ekspertet inkompetente te videos Prifti, te thone perseri se videot jane te trukuara.
Videot jane postuar nga une vetem pak minuta me pare”.
Më poshtë videot e intervistës së Fatos Mahmutaj me Vojsava Ismailajn. /tesheshi.com/
video
Video 2
video3
Tahiri: Nuk kam procedim penal nga Italia
Deputeti socialist ndodhet në një deklaratë për median.
Tahiri vë në dispozicion një dokument të Prokurorisë së Katanias ku thuhet se nuk ka asnjë procedim penal në Itali ndaj tij
Tahiri: Po hedhin baltë mbi mua por do e përballoj. Të drejtën dua ta gjej vetë pa ndihmë dhe pa mbështetje
Ndërkohë deputetët e PD-së u larguan nga mbledhja e Komisionit Parlamentar të Ligjeve pas debateve për Saimir Tahirin.
Në orën 11:00 mblidhet Konferenca e kryetarëve lidhur me seancën e nesërme.
Mesazhi i “patikave” të Ramës
Më 21 shkurt 2008, pak ditë pasi Kosova shpalli pavarësinë, mijëra serbë e serbe, të ndërsyer nga qeveria nacional-shoviniste e Vojisllav Koshtunicës, dolën në rrugët e Beogradit për të protestuar kundër kësaj «padrejtësie». Bërtitën sa patën zë, pastaj iu vërsulën ambasadave të shteteve që tashmë kishin pranuar pavarësinë e Kosovës. U sulmuan, mes tjerash, ambasada amerikane, turke dhe gjermane. Shumë objekteve iu vu flaka. Pastaj patriotizmi serb u dëshmua në hyrjen e dhunshme nëpër dyqane të artikujve sportivë në kryeqytetin e Serbisë. Tinejxherë e tinejxhere vodhën sa mundën – «patika», domethënë atlete. Më të preferuara ishin atletet e firmave amerikane. Në historinë e lavdishme serbe ky episod mbahet në mend për shkak të motos: «Patike za Kosovo». Në fund të majit të vitit 2008 mediat serbe njoftuan se një gjykatë në Beograd dënoi dy biondina me nga dhjetë muaj burg me kusht për shkak të vjedhjes. Njëra nga vajzat e dënuara tha: «I kërkoj falje të gjithë qytetarëve dhe shtetit që i kam poshtëruar – si dhe familjes sime». Të dyja nënvizuan se «kemi vjedhur si të gjithë të tjerët».
II.
Edi Rama ka sens për humor. Këtë javë ai në Samitin e vendeve kryesore të BE-së me shtetet e Ballkanit në Trieste të Italisë defiloi me «patika». «Provokacija», provokim, mund të kenë gjëmuar e piskatur serbët. «Patikat» e Edi Ramës u kujtonin atyre një njollë nga e kaluara e tyre. Për një palë atlete shumë serbë janë të gatshëm të harrojnë Kosovën, «tokën e shenjtë» të Car Llazarit. Mesazhi i Ramës i drejtohej edhe kancelares gjermane Angela Merkel dhe presidentit francez Emmanuel Macron: «Mos i merrni shumë seriozisht serbët që vajtojnë për gjoja humbjen e Kosovës. Sepse krejt dhimbja e tyre mund të shërohet me një palë atlete në vlerë prej 50 eurosh».
III.
Çfarë deshi të thoshte tjetër Edi Rama me atletet e tij? Ndoshta synoi t’ua bënte me dije serbëve se një kryeministër shqiptar shkon në Trieste me atlete si në plazhin e Durrësit, sepse qyteti verior i Italisë në historinë shqiptare luan një rol të rëndësishëm. Aty më 2 prill 1879 lindi Aleksandër Mojsiu, pinjoll i një familjeje hebraike shqiptare me origjinë nga Durrësi, ku teatri i qytetit edhe sot bart emrin e tij. Në zemër të Triestes një rrugë mban emrin e Karl Gegës, inxhinier me origjinë shqiptare, i lindur më 10 janar 1802 në Venedik. Gega është ndërtuesi i njërës prej hekurudhave më prestigjioze të kohës, e cila lidhi Vjenën me Triesten. Për këtë vepër të madhe arkitektonike ai nga Perandoria Austro-Hungareze u emërua kalorës. Austriakët e quajtën Carl Ritter von Ghega, italianët Carlo Ghega, në Trieste rruga e përmendur mban emrin «Via Carlo Ghega». Aty gjendet hotel «Roma», pastiçeria Zampolli dhe Shkolla e Muzikës «Giuseppe Tartini», një violinist e kompozitor italian. Ndoshta të gjitha këto i kishte ndërmend Edi Rama, kur mori udhën drejt Triestes me atletet e bardhe me vija të kuqe. Ose…
IV.
Ose: kryeministri shqiptar me atletet e tij deshi të përçojë një mesazh krejt tjetër: meqë rruga e integrimeve europiane është bllokuar prej vitesh dhe gjithnjë e më pak njerëz në Ballkan besojnë në pranimin e shteteve të tyre në Bashkimin Europian, atëherë hajde të shkojmë pak në Trieste të bëjmë një gjiro me atlete sa për të treguar se «jemi europianë». Edhe kështu bëhet politikë në Ballkan.
publik.live
Poezia e fundit e Dritëro Agollit që preku shqiptarët
Dalëngadalë” quhet poezia që Elona e ndau me të tjerët.
Pasi shkrimtari i madh Dritëro Agolli u dërgua me urgjencë në spital për shkak të problemeve me rrugët e frymëmarrjes, vajza e tij Elona e ka përshëndetur të atin përmes publikimit të një poezie në Facebook.
Ndërsa sot Dritëro Agolli ka ndërruar jetë në spital në moshën 85 vjeçare. Ai vuante nga një sëmundje në mushkëri. Mësohet se shkrimtari i madh ndërroi jetë në orën 16:00 në spital, ku ishte shtruar dhe po mbahej nën kujdesin e mjekëve.
Prej 20 vitesh, shkrimtari vuante nga një sëmundje pulmonare kronike.
“Dalëngadalë” quhet poezia që Elona e ndau me të tjerët.
Poezia e Dritëroit:
Dalëngadalë
Mbaruan të gjitha gjërat që kishte shtëpia:
Në oborr u tha në fillim një dardhë,
U shterr dhe pusi i madh tek avllia
Ku kishte koliben qeni i bardhë.
Dhe vdiqën njëri pas tjetrit
Im atë, vëllezërit e tij, së fundi dhe nëna;
Tani kam mbetur veç unë këtu nga të vjetrit
Tek bulevardi zvarris këpucët e ngrëna.
Kështu, më i vjetri nga fisi jam unë
Gëzohem që rroj me miqtë e mi të hershëm të rrallë,
Por ka edhe të tjerë, madje edhe shumë,
Që thonë: “Ende ky gjallë”
Këta që vdekjen ma ndjellin janë poetët,
Poetët me njëri-tjetrin nuk duhen kurrë!
Kur gripi më zë i ngrenë veshët
Dhë bëjnë sikur u vjen keq: “Vërtet i sëmurë”?
Ndahet nga jeta Safet Berisha, ish kapiteni legjendar i Partizanit
Ndahet nga jeta Safet Berisha ish kapiteni legjendar i Partizanit. Ai humbi jetën mëngjesin e sotëm në moshën 66 vjeçare pasi vuante së fundi nga një sëmundje e rëndë në shtetin fqinj Itali në qytetin e Arecos .
Berisha, ishte futbollist i njohur i viteve 1968-1983
Safet Berisha i lindur në Durrës në 11 nëntor 1949 ka qenë një prej qendërmbrojtësve emblemë të Partizanit dhe ekipit tonë Përfaqësues. Me fanelën e Partizanit,Berisha koleksionoi 3 Tituj kampionë , 4 Kupa Republike, dhe fitues i Kupës Ballkanike në vitin 1970.
Berisha shënon edhe 21 prezenca në radhët e ekipit tone Kombëtar . Në vitin1978 Safet Berisha është vlerësuar edhe me Titullin”Mjeshtër i Merituar i Sportit”, si dhe në 70-të Vjetorin e Themelimit të Klubit u dekorua me “Medaljen e Meritës”.
Klubi i Futbollit Partizani, i cili njoftoi lajmin e hidhur përmes një postimi në facebook shprehu dhe ngushëllimet më të sinqerta familjes dhe të afërmve për humbjen e njeriut të tyre më të dashur.
Berisha konsiderohej si një ndër mbrojtësit më të mirë në historinë e klubit të Partizanit , me ngjyrat e të cilit u shpall edhe 3 herë kampion Shqipërie dhe një herë kampion Ballkani. Safet Berisha është dekoruar me titullin “mjeshtër i merituar i sportit” dhe gjithashtu është shpërblyer edhe me “medaljen e meritës” për arritjet e tij në futboll.