Fotografi Adrian Limani merr çmimin Medalja e Artë në “Gold Medal of Exellence”

By

-

Fotografi shqiptar, Adrian Limani është shpërblyer me çmimin Medalje e Artë në “Gold Medal of Exellence”, garë kjo e kategorive të ndryshme në Austri. Limani i cili njihet për fotografitë me “Loja me Hënë”, për herë të parë ka sfiduar vetën në një garë të nivelit të tillë, gjë për të cilën edhe është shpërblyer me medalje të artë, në kategorinë e fotografisë.

“Jam i lumtur për këtë lajm, ishte hera e parë që kam mare pjesë në një garë ndërkombëtare të fotografisë ku isha i vetmi shqiptar dhe arrita të fitoj çmimin Medalja e Artë në “Gold Medal of Exellence””, ka thënë Limani për KultPlus.

Sipas tij, organizatorët më pas pos që do ti ndajnë çmimet për kategoritë përkatëse, do të organizojnë edhe një ekspozitë me punimet e shpërblyera në këtë garë ndërkombëtare.
Për punën e Adrian Limanit kanë shkruar shumë medie prestigjioze të botës, sikurse që i kanë komentuar fotografitë e tij edhe disa nga yjet botërore nëpër rrjete të ndryshme sociale.

*KultPlus

Gjosha-Sequi: Shqipëria të vijojë me këto ritme rrugëtimin drejt BE

By

Albania Plus

-

Ministrja e Integrimit Evropian, Klajda Gjosha, priti sot ambasadorin e Bashkimit Evropian në Shqipëri, Ettore Sequi, me rastin e lënies së detyrës së tij në Shqipëri.

Duke i uruar suksese në detyrën e re, Ministrja Gjosha shprehu keqardhjen për mbylljen e misionit të z. Sequi në vendin tonë. Ajo vlerësoi kontributin e Ambasadorit të BE-së dhe mbështetjen që i ka dhënë Shqipërisë në lidhje me procesin e integrimit.

“Z. Sequi ka luajtur një rol të rëndësishëm dhe ka ndihmuar Shqipërinë, nisur edhe nga fakti që vjen nga një vend mik si Italia. Me profesionalizmin dhe përkushtimin e tij, ai ka qenë gjithmonë në krah të shqiptare, lidhur me axhendën e integrimit”, u shpreh Ministrja Gjosha.

Z. Sequi theksoi se puna në vendin tonë ka qenë një nder i madh për të duke nënvizuar se Shqipëria po ecën me ritme mjaft të mira në rrugëtimin e saj në BE. Ai inkurajoi Ministren për të vijuar punën e saj, si pjesë e qeverisë e cila është angazhuar të përmbushë të gjitha detyrimet e saj. Ambasadori i BE-së, theksoi gjithashtu se edhe në pozicionin e ri do të vijojë të punojë për Shqipërinë.

Nëna e Ilia Karelit flet për mediat greke

By

Albania Plus

-

Mediat greke i kanë kushtuar një reportazh familjes së Ilia Karelit, ku kanë pyetur nënën e tij dhe vëllanë. Shkrimi nis me fjalët e nënës 70-vjeçare, me buzët që i dridhen nga dhimbja dhe në dorë mban foton e djalit të saj. Ajo thotë se, Ilia e vrau gardianin dhe kjo nuk ka qenë e drejtë, sepse edhe ai biri i një nëne ka qenë, por ligji nuk e parashikon që Ilia duhej të vritej në mënyrë çnjerëzore. Ajo thotë se gjithmonë do t’i ngelet si një gur në stomak se, pse grekët mbajtën zemrën e Ililas dhe pse nuk tregohet videoja kur u vra gardiani. Ajo këmbëngul duke thënë se, “nuk do të gjej qetësi nëse nuk e mësoj. Edhe pse e di që djali im nuk do të kthehet më mbrapsht”.

Gazetari grek, Thodhori Nikolao ka udhëtuar drejt banesës së familjes Kareli në Fier për të marrë dëshminë e të ëmës dhe të familjarëve të tjerë në lidhje me vdekjen e Ilia Karelit. Ai thotë se, nëna nuk është në gjendje të kuptojë motivimin e vrasjes së gardianit.

“Unë dua të di se çfarë e shtyu djalin tim që të vriste një nga zyrtarët e burgut. Po zemra dhe shpirti i djalit ku mbeti, unë nuk do të gjej dot qetësi deri sa të me tregojnë të vërtetën. Vazhdoj të ëndërroj sikur ai është ende gjallë por, unë e di se atë e ka mbuluar dheu. Si do të dukej sikur një nëne t’ia sillnin në shtëpi djalin e copëtuar”, kështu shprehet nëna e revoltuar, duke shtuar më tej dhe duke bërtitur “unë jam duke pritur për një shpjegim”, shkruan faqja “Online Vice.com”.

“Një gjë dua të pyes: Zemra e djalit tim me çfarë justifikimi u mbajt në Greqi? Kur vajtëm të merrnim trupin pse nuk na thanë, merreni por zemra do të ngelet këtu. Pse nuk na thanë që do ta mbanin për analiza. Nëse nuk do e çonim për ekspertizë në Shqipëri nuk do ta merrnim vesh kurrë që zemra e tij mungonte”.

Avokatja që e ka mbrojtur për herë të fundit në gjyq, Maria Stamelu në janar të 2014 ka thënë për gazetën greke “Vima” se kishte biseduar me të disa ditë para se të ndodhte vrasja në Malandrino.

“Mezi po priste të lirohej. Kur papritur më morën në telefon nga burgu dhe më thanë që ka dalë një urdhër i ri arresti për drogë. Nuk e di çfarë ndodhi në të vërtetë pasi besonte se 24 orët e ardhshme do të ishte i lirë”.

Nipi bën tatuazh emrin e Kudretit

“Deti” ky është emri që nipi i Ilia Karelit ka bërë tatuazh në krahun e tij të majtë. “Deti” është emri që i vogli thërriste shkurt xhaxhanë Ilia Karelin apo i njohur si Kudret Kume. Edhe Ilia në krahun e tij kishte bërë në tatuazh emrin e të nipit.

Naço: Progres i kufizuar në luftën ndaj korrupsionit

By

Albania Plus

-

Mblidhet Konferenca Gjyqësore Kombëtare, me pjesëmarrje edhe të Presidentit të Republikës, Bujar Nishani dhe ministrit të Drejtësisë, Nasip Naço.

Në këtë mbledhje që pritet të vazhdojë deri në orët e vona të pasdites po diskutohet për problematikat kryesore të drejtësisë.

Ministri i Drejtësisë Nasip Naço theksoi se, lufta ndaj korrupsionit ka bërë progres të kufizuar, pasi shpesh gjyqtarët përfshihen në praktika korruptive të pandëshkuara. Ministri tha se, nevojitet rritja e transparencës dhe eficencës së sistemit.

“Ministria e Drejtësisë mbetet e vendosur në vijimin e reformave në drejtësi, dhe në rritjen e besimit të qytetarëve ndaj këtij sistemi. Lufta ndaj korrupsionit gjyqësor ka bërë progres të kufizuar. Por shpesh gjyqtarët përfshihen në praktika korruptive të pandëshkuara. Nevojitet rritja e transparencës dhe eficencës së sistemit. Një klimë e përgjithshme mosbesimi ndaj sistemit është krijuar në vend. Kjo situatë duhet të pranohet si një realitet që duhet ndryshuar, dhe duhet të koordinojmë përpjekjet tona në këtë drejtim. Reforma në këtë drejtim duhet të ndërmerren së bashku, dhe këtë ia kam kërkuar edhe KLD. Inkurajoj KLD të ecë sipas prioriteteve. Kërkoj të përmbyllet procesi i emërimeve në gjykata administrative. Kam kërkuar zbatimin e dekretit të presidentit për caktimin e numrit të gjyqtarëve të Shkallës së Parë, Administrative dhe të Apelit. Kam kërkuar të zgjidhet absurdi i mosemërimit të magjistratëve”.

Naço vijoi më tej duke pohuar se ka kërkuar për rishikimin e sistemit të vlerësimit të gjyqtarëve.

Kam kërkuar rishikimin e sistemit të vlerësimit të gjyqtarëve. Ministria e Drejtësisë ka ndërmarrë nismën për hartimin e projektligjit për vlerësimin e gjyqtarëve. Ky është rekomandim nga misioni EURALIUS. Gjyqtarët duhet të zgjedhin përfaqësuesit në KLD. Duhet të kontribuoni për prioritetet në reforma në projektrezolutën që do të miratoni. Të zgjedhurit tuaj në KLD shfrytëzojnë mandatin duke promovuar vetveten. Një frymë e tillë jo vetëm nuk ndihmon në përmirësimin e besimit të qytetarëve tek sistemi, por e dëmton atë”, – u shpreh ministri i Drejtësisë, Nasip Naço.

Basha-Sequi: PD mbeshtetëse pa kushte e integrimit të Shqipërisë

By

Albania Plus

-

Ambasadori i BE-së në Shqipëri, Ettore Sequi

Partia Demokratike mbetet një mbështetëse e palodhur dhe pa kushte e integrimit europian të Shqipërisë.

Kështu deklaroi Kreu i opozitës, Lulzim Basha në një takim lamtumire të zhvilluar sot me Ambasadorin e Bashkimit Europian në Tiranë Ettore Sequi.

Basha vlerësoi rolin që ambasadori Sequi ka luajtur këto vite në Shqipëri duke kontribuar në procesin e integrimit europian të vendit dndërsa e siguroi Ambasadorin se PD mbetet një mbështetëse e palodhur dhe pa kushte e integrimit europian të Shqipërisë.

Sequi falenderoi z.Basha për mikpritjen dhe shprehu vlerësimet e tij për qëndrimet e PD në qeveri dhe në opozitë në mbështetje të integrimit europian të Shqipërisë.

Tahiri: Ligji i ri i për mjetet lundruse rrit turizmin

By

Albania Plus

-

Ministri i Brendshem, Saimir Tahiri, i kërkuar kuvendit të Shqipërisë votimin e ligjit “Për disa ndryshime dhe shtesa në ligjin nr. 8663, datë 18.9.2000 “Për regjistrimin, klasifikimin, mënyrën e përdorimit dhe kontrollin e mjeteve lundruese me motor me tonazh nën 20 NT”.

Gjatë seancës, Tahiri tha se hyrja në fuqi e këtij ligji i hap shtigje të reja zhvillimit të turizmit në vend dhe “çliron” detin. “Qeveria e shkuar mendoj se duke ndaluar lëvizjen mjeteve lundruese do të ulte aksidentet dhe do të luftonte krimin, por kjo nuk ndodhi. Ne mendojmë se duke i hapur rrugë regjistrimit të mjeteve lundruese, duke i regjistruar ato dhe duke i monitoruar, do i japim një pamje tjetër bregdetit shqiptar, duke i dhënë një frymë të re industrisë së turizmit, zhvillimit ekonomik dhe modernizimit të vendit tonë”, theksoi Tahiri.

Sipas tij, bllokimi i mjeteve lundruese nuk solli përmirësim të situatës, pasi vetëm gjatë vitit 2013 janë realizuar 34 operacione shpëtim- kërkimi dhe mungesa e GPS-ve në bordet e mjeteve lundruese na ka krijuar vështirësi në gjetjen e tyre, prandaj nëpërmjet këtij ligji, tha Tahiri, ne propozojmë regjistrimin e çdo mjeti që kërkon të lundrowj, pajisjen e tyre me GPS dhe përcaktimin e zonës së lundrimit, duke garantuar kështu çdo qytetar që kërkon të bëjë plazh në bregdetin e Durrësit, çdo qytetar që kërkon të përdore mjete lundruese, pasi vijat do jenë të ndara dhe GPS do na ndihmoje të lokalizojmë pozicionin e saj dhe gjetjen e tij në rast alarmi”, theksoi Tahiri. Ai garantoi se kushdo që shkel vijën ndarëse mes plazheve ku mund të lahen qytetarët dhe zonave ku mund të përdoren mjetet lundruese, do të përballet me forcën e ligjit dhe sekuestrimin e mjetit.

18-vjeçarja shqiptare, çmim letrar si Updike, King dhe Capote

By

Albania Plus

-

Një vajzë shqiptare ka fituar këto ditë Medaljen e Argjendë në konkursin “Scholastic Art & Writing Awards”, çmim që vite më parë e kanë fituar edhe shkrimtarët e famshëm amerikanë John Updike, Stephen King e Truman Capote.
Ingrid Llambi, nxënëse në vitin e katërt në një nga shkollat e Woodbridge Toronto (Kanada) ka marrë njoftimin e suksesit ditën që ka mbushur 18 vjeç. Bashkë me lajmin se është një nga fitueset mes 255 mijë pjesmarrësve ajo është ftuar të jetë e pranishme në Mbrëmjen e ndarjes së çmimeve që do të zhvillohet më 5 qershor në Neë York.
Familja Llambi ka emigruar në Kanada në vitin 1999, kur Ingridi ishte vetëm 3 vjeç. Letërsia ka qenë pasioni i hershëm i saj dhe siç tregon e ëma, Etleva, megjithëse nuk është inkurajuar në këtë fushë nga prindërit ka shkruar vazhdimisht në “Gazetën e shkollës”. Që nga klasa e katërt fillore, vajza që ka lindur në Durrës është pjesë e shkollave me program të avancuar, si në letërsi ashtu edhe në matematikë, duke fituar edhe subvencionimin përkatës nga Ministria e Arsimit.
Disa muaj më parë Ingridi ka dërguar në konkursin “Scholastic Art & Writing Awards” 10 materiale letrare dhe në përfundim të Konkurimit Rajonal ajo fitoi “Çelësin e artë” në kategorinë e Poezisë, si dhe gjashtë çmime të tjera më të ulët. Poezitë e Ingridit të titulluara “Atelophobia” (frika nga mungesa e përsosmërise) dhe “Graphophobia” shyrtohen përsëri në Komisionin kombëtar të konkursit, së bashku me fituesit e tjerë nga SHBA, Kanadaja dhe studentë të ardhur nga vende të tjera të botës. Që të dyja shpallen fituese dhe i japin vajzës shqiptare “Medaljen e argjendtë”.
Ingridi nuk kishte konkuruar më parë dhe në këtë rast, thjesht kishte dëshirë të verifikonte nivelin e saj-tregon Etleva, e ëma. Tashmë ajo ka aplikuar si studente e letërsisë dhe i ka idetë për të ardhmen shumë të qarta. Bashkë me dy shoqe po punojnë një film me metrazh të shkurtër për një konkurs lokal, ndërsa masteri në letërsi bën pjesë në planet e saj.
Në letrën që i dërgon Komisioni i Konkursit prindërve të Ingridit shkruhet: “Që nga 1923 këto Çmime kanë nxjerrë në pah talente te reja nëpër të gjithë vendin. Duke fituar këtë çmimin Scholastic Art & writing fëmija juaj bëhet pjesë e një trashëgimie të shquar.
Shkrimtarë e Artistë të shquar si Richard Avedon, John Baldessari, Truman Capote, Lena Dunham, Stephen King, Andy Ëarhol, Sylvia Plath, Zac Posen, Ken Burns, Joyce Carol Oats, John Updike and Kay Walking Stick janë fitues të këtij çmimi, nënvizon komisioni në letrën dërguar prindërve Artan Llambi dhe Etleva Domi.
Rreth 255,000 vepra arti dhe krijimtari letrare u paraqitën nga nxënësit e klasave 7-12 këtë vit shkollor. Marrja e kësaj Medalje Kombëtar e radhit fëmijën tuaj brenda grupit prej 1% të të gjithë pjesëmarrësve-vlerëson Komisioni i “Aleanca për shkrimtarët dhe artistët e rinj”.
Finalistët do të nderohen në qytetin e Nju Jorkut në data 5-7 Qershor.
Këto veprimtari, në të cilat do të marrë pjesë edhe 18-je[arja Ingrid Llambi përfshijnë edhe Ceremoninë Kombëtare në Carnegie Hall.

*ATSH

Durrës, eksploziv makinës së pronarit të një lokal

By

Albania Plus

-

Makina e pronarit të një lokali në zonën e shëtitores “Taulantia”, në qytetin e Durrësit shpërtheu me eksploziv sot rreth orës 07:52.
Shpërthimi ndodhi pak sekonda pasi drejtuesi i mjetit, Edi Xhepa, kishte zbritur nga makina të cilën e kishte parkura para lokalit, informon korrespondenti ynë në Durrës, Llambi Kallço
Sipas policisë, lënda eksplozive ishte vendosur në parakolpin e makinës tip ‘Volkswagen’ me targa DR 2137 R.
Nga shpërthimi fatmirësisht nuk ka të lënduar por vetëm dëme materiale, informon gazetari ynë në Durrës, Llambi Kallço.
Shpërthimi, pak sekonda pasi zbriti nga makina
Mësohet se Xhepa sapo ishte kthyer nga një zonë jashtë Durrësit dhe kishte parkuar makinën përballë lokalit. Pak sekonda pasi ka mbyllur derën e mjetit dhe është drejtuar për te lokali ka dëgjuar shpërthmin e makinës.
Sipas të dhënave të para nga grupi hetimor mendohet se shpërthimi ka qenë i telekomanduar.
Ngjarja dyshohet se ka si motiv konkurencën, pasi Xhepa njihej si person i rregullt dhe serioz në qytetin e Durrësit.

Rama: Rigjallërimi i artizanatit, ruajtje e traditës

By

Albania Plus

-

Kryeministri Edi Rama dhe ai i Kosovës Hashim Thaçi vizituan sot panairin e punimeve artizanale të artizanëve të Kukësit dhe zonave përreth.

Kryeministri Rama admiroi një pjesë të vyer të traditës kuksiane, të mirënjohur edhe jashtë kësaj treve, veçanërisht për sixhadetë, qilimat dhe kostumet tradicionale të punuara me dorë.

“I thashë Kryeministrit Thaçi, do hysh në panair dhe do shikosh se nuk ka vdekur tradita e qilimave dhe sixhadeve. Përkundrazi, po e ripërtërijmë”, iu drejtua Kryeministri organizatorëve dhe artizaneve kuksiane, të cilat i falënderoi me shumë mirënjohje për ruajtjen dhe përcjelljen brez pas brezi të traditës dhe të identitetit kulturor të trevës së tyre.

Kryeministri Rama i garantoi për mbështetjen me programe të veçanta për rigjallërimin e artizanatit dhe nxitjen e të rinjve për të çuar përpara këto zeje të traditës.“Ne kemi programin e Ministrisë së Mirëqenies që do të japë mbështetje shumë më të madhe, se ç’është bërë deri tani për artizanatin. Sikundër edhe për trajnimet, që të mund të merrni të rinj, sepse ndryshe kjo do të na zhduket si traditë”, u shpreh Kryeministri.

Për këtë, përfaqësues të Ministrisë së Mirëqenies Sociale dhe Rinisë si mbështetëse e këtij panairi nënvizuan se me këto programe synohet jo vetëm promovimi i artizanatit shqiptar, por edhe mbështetja e grupeve e ndryshme sociale. “Me mbështetjen e Ministrisë së Mirëqenies, organizohen gjithmonë dhe mbështeten artizanët, sepse me të ardhurat që marrin ata mbajnë familjet e tyre, komunitetin, shtresat në nevojë. Është e rëndësishme promovimi, në radhë të parë i traditave dhe vlerave tona. Kurset e trajnimit që po bëjmë me Ministrinë, për të kaluar traditën nga mjeshtrit e artizanatit, tek të rinjtë, në mënyrë që të mos vdes tradita e punimeve dhe të eci përpara”, u shpreh përfaqësuesja e MMSR.

Panairi ishte pjesë e axhendës së aktiviteteve në 15 vjetorin e eksodit të shqiptarëve të Kosovës dhe u organizua me mbështetjen e Ministrisë së Mirëqenies Sociale dhe Rinisë për promovimin e prodhimeve artizanale të këtij rajoni.

Arrestohet për korrupsion gjyqtari Dhimitër Pojanaku

By

Albania Plus

-

Është arrestuar me akuzën për korrupsion gjyqtari i Gjykatës së Rrethit Gjyqësor në Pogradec, Dhimitër Pojanaku 58- vjeç. Lajmi është bërë me dije nga Drejtoria e Policisë së Korçës, sipas të cilës Pojanaku është kapur në flagrancë gjatë një operacioni nga blutë e jug-lindjes.

Dhimitër Pojanaku akuzohet se ka marrë ryshfet rreth 500 mijë lekë për të mos nisur një proces gjyqësor. Pojanaku është arrestuar në kushtet e flagrancës dhe në këtë rast nuk nevojitet më parë miratimi i KLD-së. Ndërkaq policia bën me dije se vijon operacioni policor për kapjen e personave të tjerë.

Dhimitër Pojanaku është një emër i njohur në qytetin e Pogradecit, pasi përveç punës si gjyqtar ai është edhe poet. Ai ka botuar disa vëllime poetike si: “Shiu lexon trishtimin tim”, “Mëngjes dhe pak natë”, “Xhindët kapërcejnë polka” etj. Në vitin 2002 ka marrë edhe çmimin “Penda e argjendtë”. Dhimitër Pojanaku është shpallur “Qytetar Nderi” në Pogradec.

Ndërkohë Prokurori i Përgjithshëm, në bazë të nenit 137, pika 4 e Kushtetutës, njofton menjëherë Këshillin e Lartë të Drejtësisë për arrestimin e shtetasit Dhimitër Pojanaku, me funksion gjyqtar pranë Gjykatës së Rrethit Gjyqësor Pogradec, i akuzuar për kryerjen e veprës penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, parashikuar nga neni 319/ç i Kodit Penal.

Arrestimi i shtetasit Pojanaku është kryer me urdhër të Prokurorisë së Rrethit Gjyqësor Korçë, e cila ka kryer veprime të shpejta hetimore, pas kallëzimit nga ana e një shtetase. Në bazë të veprimeve hetimore është dokumentuar fakti që ai ka marrë para nga shtetasja kallëzuese, në këmbim të heqjes dorë nga një çështje në gjykim, për të cilën ishte e interesuar drejtpërdrejtë ajo.