Assad pranon zotërimin e armëve kimike dhe shkatërrimin e tyre

17

Mideast SyriaPresidenti sirian, Bashar al-Assad pranoi gjatë një interviste për televizionin amerikan ”FoxNews” mbrëmjen e djeshme se vendi i tij zotëronte armë kimike duke u shprehur i sigurt mbi shkatërrimin e tyre.

Presidenti sirian, Assad intervista me të cilin u realizua të martën në Damask, u shpreh se demontimi në fjalë mund të kushtonte deri në një miliard dollarë dhe mund të zgjaste pak më shumë se një vit.

“Me anëtarësimin javën e kaluar në një traktat ndërkombëtar mbi armët kimike, Siria e ka dhënë tashmë miratimin e saj për t’i shkatërruar ato”, deklaroi Assad gjatë intervistës.
“Besoj se është një operacion shumë i ndërlikuar nga ana teknike. Kërkon shumë para, rreth një miliard dollarë”, shtoi ai.

“Demontimi do të realizohet sipas një afati të përcaktuar kohor. Do të duhet një vit, ose ndoshta pak më shumë”, theksoi Assad.