Është përballur sot me togat e zeza të Gjykatës së Faktit Berat, në seancën e parë gjyqësore, atë të masës së vlerësimit, 36-vjeçari Elton Bori.
Bori është autor i vrasjes me thikë të 30-vjeçarit Altin Braushi në qytetin e Kuçovës. Ngjarja ka ndodhur 2-ditë më parë, pas një konflikti për parkimin e automjeteve në ambjentet e jashtme të një shkolle 9-vjeçare, ku autori priste bashkëshorten mësuese të dilte nga mësimi ndërkohë që viktima priste fëmijët të dilnin nga shkolla.
Mësohet se në sallën e gjyqit Bori e ka pranuar krimin dhe është shprehur i penduar në lidhje me këtë vrasje, që sipas tij ka ndodhur në gjaknxehtësi e sipër pas shume debateve e sharjeve mes tij dhe viktimës.
Pasi ka dëgjuar edhe rrëfimin e autorit të vrasjes së babait të 2 fëmijëve, Gjykata e Faktit Berat, e ka cilësuar të vlefshëm arrestimin e tij, duke dhënë edhe masën e sigurisë “arrest në burg pa afat” për Elton Borin.
