Gjatë fjalës së tij në konferencën e organizuar për publikimin e analizës vjetore të Policisë së Shtetit, Ministri i Punëve të Brendshme Saimir Tahiri analizoi gjendjen në të cilën ndodhej Policia e Shtetit, nën drejtimin e mëparshëm.
“Policia e shtetit drejtohej nga militantë. Burimet njerëzore të janë shumë më keq se sa standardi që kërkohet. Të rinjtë dhe të rejat janë shumë pak, arsimimi është i mangët, shumica me shkollë të mesme, një minorancë me shkollë të lartë. Punonjësit ishin të shfrytëzuar dhe të nënpaguar. Jemi të angazhuar për ta ndryshuar këtë situatë pavarësisht vështirësive të panumërta Sot unë besoj se policia e shtetit e ka ngritur kokën dhe është në krye të detyrës. Na akuzojnë ata që deri dje mbase e kanë bërë këtë dhe mendojnë se e bëjmë ne.
Si mund të fshihet një vrasje, kush ma gjen formulën. Kemi firmosur urdhrin dhe komunikata që deri dje ka qenë e klasifikuar, nga sot do deklasifikohet dhe do t’i shpërndahet publikut. Duke përjashtuar të dhënat personale dhe të dhëna që kanë të bëjnë me specifika të hetimit. Cdo qytetar për çdo ankesë për çdo kallëzim, do të pajiset me numrin unik të çështjes do shërbejë si identiteti i ankesës apo kallëzimit”, u shpreh Tahiri.
