Luljeta Lleshanaku është shpallur fituesja e edicionit të 16-të, të Panairit të Librit “Tirana 2013”, si autorja më e mirë për librin me poezi “Pothuajse dje”.
Lleshanaku tha gjatë fjalës së saj, se vlerëson përzgjedhjen e një libri me poezi për një ndër çmimet e panairit. Përkthyesi i vitit u shpall Astrit Beqira, për përkthimin e librit “Udhëtim me Herodotin”.
Panairi i librit ka rikthyer çmimin e librit më të mirë për fëmijë i cili i është dhënë autorit të njohur, Gaqo Bushaka për librin “Pas festës së abetares”. Bushaka ishte fituese i këtij çmime me motivacionin: “një libri në të cilin aftësia argëtuese bashkohet me vlerat didaktike”.
Çmimi për veprën më të mirë studimore i shkoi Sabri Hamitit për studimin e veprës së At Zef Pëllumbit. Juria e panairit me antarë: Dhurata Shehrin, Arta Markun, Fatos Baxhakun, Parid Teferiçi, dhanë e çmimin e përkthimit më të mirë të veprë së Albert Camy. Ky çmim shkoi për Petrit Sinanin, i cili ka përkthyer thuajse 20 vite më parë veprën “Miti i Sizifit”. Ky çmim u nda në kuadër të 100-vjetorit të lindjes së Camy, i cili u përkujtua edhe në Shqipëri.
Juria ndau edhe çmimin “In memoriam” në përkujtim të autores Hida Halimi për romanin e saj “Shpina”. Panairi i Librit “Tirana 2013” u çel në datën 13 nëntor në Pallatin e Kongreseve, dhe këtyre ditëve interesi ka qënë shumë i lartë. Panairi i Librit do të qëndorjë i hapur edhe ditën e nesërme.
