Kryeministri i zgjedhur, Edi Rama, zhvilloi ditën e sotme një takim me ambasadorin e Bashkimit Europian në Tiranë, Ettore Sequi, përpara hapjes së legjislaturës së re të Kuvendit të Shqipërisë.
Pas përfundimit të takimit, Rama dhe ambasadori Sequi dolën në një konferencë për shtyp ku thanë që në fokus të takimit ka qenë integrimi i vendit në BE.
Rama tha se, së shpejti do të vizitojë Brukselin dhe do të takohet me përfaqësuesit më të lartë të institucioneve evropiane për të përshpejtuar procesin e integrimit.
“Gjatë vizitës në Bruksel do të takohem me përfaqësuesit më të lartë të institucioneve europiane dhe ku pas asnjë dyshim do të diskutojmë për ecurinë e mëtejshëm të procesit të integrimit në funksion të një Shqipërie që duhet të jetë anëtare e denjë e Bashkimit Europian, por edhe njëkohësisht edhe një vend europian këtu në atdheun tonë, me ligjet e duhura dhe me mundësitë e duhura për çdo shqiptar që ndihet zot në vendin e tij”, tha Rama.
Ai ka shtuar se ky është një moment shumë i rëndësishëm që duhet të shfrytëzohet sa më mirë që vendi të integrohet në Bashkimin Europian
“Të mos e lëmë që treni i Europës të largohet, por ta kapim një orë e më parë atë”, tha kryeministri i ri.
