Gjatë paradites së të shtunës qindra qytetarë pushtuan tregjet, marketet dhe farmacitë për të kryer blerjet e fundit para shtetrrethimit.
Vetëm pas orës 13:00 rrugët e kryeqytetit, tregjet, marketet, farmacitë u boshatisën nga fluksi i lartë i qytetarëve të cilët kishin zbarkuar prej orëve të para të mëngjesit për të kryer blerjet e fundit para shtetrrethimit.
Vendin e rradhëve e zunë patrullat e policisë, ku u verifikua çdo mjet që qarkulloi përtej orarit.
Forcat e ushtrisë nisën patrullimin në çdo rrugë për të verifikuar nisjen e ndalim qarkullimit.
Ndryshe u paraqit situata që prej orës 5 të mëngjesit të së shtunës, ku qindra qytetarë zbarkuan dhe dynden gjitha pikat e tregjeve, supermarketeve dhe furrat e bukës.
Shprehen se furnizimet përkojnë me situatën e shtetrrethimit, ndërsa për 40 orë do të respektojnë shtetrrethimin.
