Një ngjarje rëndë ka ndodhur orët e vona të së enjtes tek ura e Tapizit në Fushë Krujë, ku kanë mbetur të vrarë dy persona, Fabio Xhunga dhe Gjin Nika.
Burime policore konfirmuan për ATSH-në se ngjarja e rëndë ka ndodhur rreth orës 23:35’’ mbrëmjen e djeshme dy persona janë vrarë më armë zjarri teksa udhëtonin me mjetin e tyre drejt Tiranës. Sipas Policisë, ngjarja ka ndodhur tek ura e Tapizës (Fushë Krujë), dhe viktimat po udhëtonin me motoçikletën Yamaha me targa AA 441.
Pas mbërritjes në vendngjarje Policia ka konfirmuar se viktimat janë, Gjin Nika nga Bulqiza, i cili është biznesmen në këtë qytet dhe viktima e dytë është Fabio Xhunga, 33 vjeç nga Kamza.
Burime policore konfirmojnë se ky atentat është kryer dy muaj pasi Gjin Nika ishte liruar nga burgu, ku ishte arrestuar si i dyshuar për një sërë ngjarjesh. Mësohet se 36-vjeçari njihet si biznesmen i kromit në Bulqizë dhe ishte liruar nga burgu disa javë më parë, ndërsa u arrestua si i dyshuar për vrasjen e dy personave pak kohë më parë në Tiranë.
Arrestimi i tij u bë pasi policia e akuzoi Gjin Nikës si autor i ekzekutimit të biznesmenit të kromit, Hasan Talja mbrëmjen e 17 janarit të këtij viti, në rrugën “Bajram Allaraj”. Ndërsa është i dyshuar edhe për një tjetër ngjarje ku u përfshinë disa persona, të implikuar sërish me biznesin e kromit. Policia e Durrësit ka ngirtu dhe një grup hetimor për të zbardhur plotësisht ngjarjen dhe kapjen e autorëve./
