Më shumë se 1 mijë çiklistë janë mbledhur në qendër të Londrës duke protestuar si “të vdekur”. Kjo proteste vjen si reagim ndaj 6 çiklistëve, të mbytur në Londër brenda një muaji, raporton “Bota Sot”.
Kjo ishte një protestë 15-minutëshe në SouthWark, në qendër të Londrës.
Protestuesit u shtrinë në rrugë duke u bërë sikur të vdekur si metodë e protestimit të tyre dhe dërgimit të një mesazhi të qartë politikës dhe personave përgjegjës, të cilët duhet të reagojnë ndaj vdekjes së çiklistëve dhe të marrin masa që ngjarje të tilla të mos ndodhin më.
