Kreu i FRD, Bamir Topi, ka deklaruar se “çështja e kompetencave të Presidenti, duhet të diskutohet në tavolinën e bisedimeve”.
Ish- kreu i Shtetit, Topi, këtë deklaratë e ka bërë gjatë një takimi me studentë të fakultetit të Shkencave të Edukimit ne Elbasan ku theksoi se “gjërat e rëndësishme realizohen në tavolinën e bisedimeve dhe në rast se ka tentavië për të marrë kompetencat, kjo duhet parë sesi plotësohet detyrimi kushtetues nga të gjithë institucionet”.
I pyetur mbi legalizimet falas dhe akuzat e opozitës për mosmbajtje premtimi, kreu i FRD tha se “ të dyja palët tjetër gjë thonë në fushata elektorale dhe të tjera gjëra bëjnë kur vijnë pastaj për të administruar një institucion”. Sipas ti,j “si ata që thërrasin sot dhe ata që ishin dje në pushtet, vuajnë nga virusi i mashtrimit”.
Në diskutimin me studentët, Topi tha se “shansi i vetëm që shqiptarët të maksimalizojnë kapacitetet e tyre është anëtarësimi në Bashkimin Europian”. Sipas tij, politikanët në Shqipëri janë treguar egoiste neglizhentë në forcimin e shtetit dhe plotësimin e standardeve për integrimin në Bashkimin Europian.
