Stefan Fyle viziton sot Prishtinën

69

Stefan-Fyle-2Komisionari për zgjerim i Bashkimit Evropian, Stefan Fyle viziton sot Kosovën.

Fyle aktualisht është në takim me Presidenten,ndërkohë gjatë ditës do të takojë zyrtarët më të lartë të shtetit, si dhe do të marrë pjesë në Këshillin Kombëtar për Integrime Evropiane.

Në orën 10:00, komisionari për zgjerim i Bashkimit Evropian do të ketë takim me kryeministrin e Kosovës, Hashim Thaçi, ndërsa pritet që pasdite të vizitojë veriun e Kosovës.

Vizita e tij vjen pak ditë pasi Kosova dhe Bashkimi Evropian kanë miratuar tekstin e Marrëveshjes së Stabilizim Asociimit.

Dje, Fyle qëndroi në Beograd, ku liderët e atjeshëm i porositi se prioritetet kryesore të Serbisë për integrim në BE janë reformat ekonomike, fuqizimi i rendit dhe ligjit, si dhe normalizimi i marrëdhënieve me Kosovën.