Një sasi prej 10 kg tritol është zbuluar nga policia e Sarandës në një banesë në fshatin e Kalasë. Tritoli i sekuestruar, i ndarë në 25 pako me nga 400 gramë, u gjet i fshehur në depon e banesës së shtetasit, Memo Zbobo.
Forcat e policisë kanë shoqëruar në komisariat 52-vjeçarin dhe bashkëshorten e tij, ku dhe po merren në pyetje lidhur me posedimin e sasisë së tritolit.
Paraprakisht mësohet se policia ka dyshime se sasia e sekuestruar e tritolit ka lidhje me shpërthime të ndodhura në Sarandë përgjatë dy viteve të fundit.
