Sipas le Quotidien, Drejtoria e Përgjithshme e Sigurisë së Jashtme (DGSE) spiunon gjithë komunikimet e francezëve. Emaile, mesazhe, të dhënat e thirrjeve telefonike, aksesin në Facebook, Twitterin, të cilat stokohen për vite më radhë.
Reagimi në rrugët e Londrës : “Askush nuk ka dëshirë që emailet e tij të jenë të survejuara çdo ditë. Është e gabuar, përfundimisht. Nuk e di se si do ta ndalin këtë gjë. Si mund të ndalohet kjo? Ato zhvillojnë teknologji të reja gjatë gjithë kohës”,- thotë një burrë, i pyetur në rrugë.
“Personalisht, nuk i përdor rrjetet online. Nuk do të doja të përdorja Facebook. Ndjehem keq me idenë që pavarësisht cila nga imazhet e mia të publikuara, bëhet pronë e tyre dhe se ato mund ta përdorin këtë. Domethënë supozoj që kam qenë gjithmonë e kujdesshme.”- shton një grua.
Një NGO gjermane Campact, i ka përdorur rrjetet sociale për të lëshuar një apel qeverisë së saj. Në një peticion të vendosur online në internet, ajo ka kërkuar t’i akordohet azili politik Edward Snowden.
” Ne duhet t’i vëmë një limit shërbimeve sekrete të mbarë botës duke filluar nga spiunimi botëror, vjedhja dhe stokimi i të dhënave”,- reagon Christoph Bautz, militant në gjirin e NGO Campact.
Gjermania ka vepruar, por jo në sensin e dëshiruar nga ONG. Berlini tashmë e ka refuzuar kërkesën për azil të Edward Snowden. /euronews/
