Polici në sulm kundër “armikut të rrezikshëm” me fustan të kuq

16

polici kunder armikutGjatë protestave të zhvilluara në Turqi, gjatë verës së kaluar një foto u shndërrua në simbolikën e sjelljes së pushtetit kundër qytetarëve të pambrojtur. Oficeri i policisë, Fatih Zengin, shfaqet në këtë foto në një sulm me gaz lotsjellës, kundër një studenteje paqësore Ceyda Sungur, e cila sapo kishte ardhur në vendin ku po zhvillohej protesta dhe nuk po kryente asnjë gjest provokativ, që mund të tërhiqte vëmendjen e forcave të rendit.

Oficeri është paditur dhe dënuar me tre vite burgim për dhunën e ushtruar ndaj një qytetari, që nuk po kryente asnjë akt dhune. Foto ka marrë përmasat e një simboli kombëtar duke denoncuar publikisht dhunën joproporcionale të ushtruar nga forcat policore të Kryeministrit Erdogan.

Gjatë kësaj proteste, shtatë persona kanë gjetur vdekjen dhe dhjetëra të tjerë janë plagosur.