Presidenti i Shteteve të Bashkuara, Barak Obama, ka në plan t’u bëjë thirrje evropianëve dhe amerikanëve të bashkohen për të luftuar sfidat e kohës moderne, kur t’u drejtohet mijëra gjermanëve sot në Berlin.
Zoti Obama do të flasë në Portën historike të Brandenburg, në të njejtin vend ku Presidenti John F. Kennedy e shpalli veten qytetar të Berlinit të ndarë në vitin 1963 dhe ku Presidenti Ronald Reagan i kërkoi me këmbëngulje udhëheqësit sovjetik, Mikhail Gorbachev, të shembte Murin e Berlinit në vitin 1987.
Shtëpia e Bardhë tha se Lufta e Ftohtë ka marrë fund, for problemet aktuale kërkojnë të njejtin aktivizëm qytetar, përfshirë ngrohjen globale, përhapjen e armëve bërthamore dhe terrorizmin.
Zoti Obama ka gjithashtu në palan të takohet me Kancelaren e Gjermanisë, Angela Merkel, për bisedime mbi Sirinë, Afghanistanin dhe përgjimet e telefonave dhe internetit nga Shtetet e Bashkuara./VOA/
