Pala greke ka nisur sot punën në pikën kufitare të Kapshticës pas 48 orësh bllokim.
Mëngjesin e sotëm në këtë pikë të kalimit janë lejuar që të gjithë qytetarët të kalojnë normalisht kufirin.
Kjo pikë doganore u bllokua për shkak të defektit në sistem të palës greke.
Dy ditë më parë policia e Shtetit sqaroi se: “Për këtë arsye shtetasit që nuk kanë dokument udhëtimi të një vendi të BE-së e kane të pamundur të kalojnë deri në rregullimin e defektit në sistem. Policia Kufitare ka mbajtur kontakt të pandërprerë me Policinë Greke, ku është marrë përgjigje se po punohet për rregullimin sa më shpejt të sistemit. Pala greke pretendon se deri sot pasdite ky defekt të rregullohet dhe të filloje lëvizja e qytetarëve me funksionimin normal të sistemit”
