Misteri i vajzës me koeficient inteligjence 140

72

4vjecarija-300x173 Katër vjeçarja Saffron Pledger nga Britania ka bërë testin e inteligjencës, me të cilin është konfirmuar se koeficienti i saj i inteligjencës (IQ) është 140, që është 40 pikë më shumë se mesatarja britanike.
Vajza qysh tani di të shkruajë, lexojë, numërojë deri në 50 dhe madje kryen operacionet e thjeshta matematikore si mbledhje e zbritje, dhe nuk ka marrë pjesë në asnjë leksion në shkollë. Babai i saj, Dany Pledger, i cili ka fituar disa herë në kuisin britanik “Countdown”, vlerëson se vajza e saj ka mësuar të lexojë kaq herët pasi ka përcjellë kuisin për shkak të tij, transmetojnë mediet britanike.
Familja tani pret që organizata Mensa të bëjë verifikimin përfundimtar të testit, të cilin Saffron e ka bërë, dhe nëse pranohet, do të jetë një nga anëtaret më të reja të organizatës, e cila mbledh njerëzit me koeficientet më të larta të inteligjencës. Anëtari më i ri i Mensa-s u bë Elis Ten Roberts nga Londra më 2009, i cili atëherë kishte vetëm dy vjet e katër muaj.