Kryeministri Serb Dacic: Kohë për paqe dhe një të ardhme më të mirë në Ballkan

16
/foto Tanjug/
Ivica Dacic/foto Tanjug

Kryeministri serb Ivica Dacic, pas një takimi në Këshillin e Sigurisë së Kombeve të Bashkuara, për Kosovën, deklaroi se ishte koha për t’u fokusuar në forcimin e paqes dhe krijimin e një të ardhme më të mirë për popujt në Ballkan, pas dy dekadash destabiliteti.

“Marrëveshja që ne nënshkruam është me domethënie historike, me dëshirën për të ndërtuar marrëdhënie, që do ta shndërrojnë rajonin në rajon paqe dhe stabiliteti’,- deklaroi Dacic.

Dacic ka deklaruar gjithashtu se, takimi i së premtes pati shumë komente pozitive, për sa i përket situatës në terren, duke shtuar se Serbia e shikon si shumë të rëndësishme faktin, se një integrim i mëtejshëm, ka marrë komente pozitive.

“Ndërmjet dy mbledhjeve të fundit të Këshillit të Sigurisë së Kombeve të Bashkuara, marrëveshja e Brukselit dhe implementimi i saj u nënshkruan, dhe shumë prej anëtarëve të Këshillit të Sigurisë patën komente pozitive, më synim nxitjen e Beogradit dhe Prishtinës për përmbushjen e Marrëveshjes”- theksoi ai.

Dacic ka theksuar se, takimet e Këshillit të Sigurisë në 20 vitet e kaluara, përfshinin diskutime mbi luftëra, sanksione dhe një fushatë bombardimi kundër Serbisë dhe është koha për t’i përkushtuar të njëjtën lloj vëmendje ndërtimit të paqes dhe një të ardhme më të mire për popujt e Ballkanit./Tanjug/