Kosovë: Kompanitë franceze të interesuara për investime

46

kosova_flag_1Ministri kosovar i Zhvillimit Ekonomik, Fadil Ismajli, priti të martën një delegacion francez në përbërje të së cilit ishin Julien Roche – President i Odës së Tregtisë dhe Industrisë Francë-Shqipëri, Claude Scheuer, këshilltar në kompaninë franceze Degremont. Delegacioni shoqërohej nga ambasadorja e Francës në Kosovë, Maryse Daviet. Ministri Ismajli, e njohu delegacionin francez me zhvillimet ekonomike në vend, kornizën institucionale dhe ligjore, klimën e biznesit që ofron vendi për investitorët e huaj si dhe projektet që janë në zhvillim e sipër. Më tej u diskutua për bashkëpunimin e ndërsjellë në fushën e energjisë, energjisë së ripërtëritshme, mineralet e fusha tjera me interes të përbashkët. Në takim u diskutua edhe lidhur me ardhjen e investitorëve francezë në Kosovë si dhe për projekte konkrete në fushat që mbulon MZHE, ndërsa u shtrua nevoja për asistencë teknike dhe avancimin e bashkëpunimit me odat ekonomike në Kosovë. Kompania franceze Degremont është e specializuar në ofrimin e zgjidhjeve që përmes projekteve përkatëse të trajtojë ujërat dhe shërbime të tjera për autoritetet lokale dhe industrive të ndryshme.