Ditën e sotme u luajtën 7 ndeshje nga java e 27-të e Serisë A, ku kampionët në fuqi fituan 1-0 në shtëpi ndaj Fiorentinës. Një gol i Asamoah-s mjaftoi për juventinët që të merrnin tri pikët. Fitore arriti edhe Interi, i cili mposhti Torinon 1-0 me një gol të Rodrigo Palacio-s, duke shtuar shpresat për një vend në Europë.
Ndërsa Lazio vazhdon serinë negative të rezultateve, teksa pësoi një humbje shokuese në shtëpi ndaj Atalantës, 1-0. Fitore arriti Parma 2-0 ndaj Veronës, ndërsa Sampdoria mposhti Livornon 4-2. Sfida Bologna-Sassuolo përfundoi në paqe 0-0, ndërsa Chievo Verona mposhti 2-1 Genoan në shtëpi.
