Takimi i përbashkët i përfaqësueses të BE-së, Catherine Ashton, me Kryeministrin e Kosovës Hashim Thaçi dhe atë të Serbisë Ivica Dacic, ka përfunduar pa marrëveshje për çështjet kyçe për të cilat janë takuar.
Sipas Thaçit dhe Dacicit, nuk është arritur marrëveshja për gjykatat dhe asosacionin e komunave serbe.
Kështu ka pohuar edhe kryeministri i Kosvës Hashim Thaçi në rrjetin social facebook, duke thënë se nuk ka marrëveshje përfundimtare dhe se takimi i radhës do të jetë me 12 shkurt.
“Sapo u përmbyll takimi në Bruksel. Diskutuam për implementimin e marrëveshjes për drejtësi në veri. Ka progres, por pa marrëveshje përfundimtare. U dakorduam që takimi tjetër të mbahet me 12 shkurt në Bruksel”, ka shkruar Thaçi.
Ky është takimi i 21-të mes dy kryeministrave dhe i pari këtë vit, ndërsa raund i ri i dialogut do të mbahet më 12 shkurt.
