Drejtori i Policisë së kryeqytetit u bën apel të gjitha institucioneve shqiptare për bashkëpunim duke denoncuar cdo rast lidhur me krimet kompjuterike.
“Duke analizuar tendencat e krimeve kompjuterike në Shqipëri, për të parandaluar organizatorët apo (hakcerat) e institucioneve të ndryshme financiare, dhe ndërhyrjeve të paautorizuara në rrjete, kërkojmë nga ana Juaj bashkëpunimin për të denoncuar në kohë këtë fenomen, në strukturat tona të Krimeve Kompjuterike, në rastet e ndërhyrjes së sistemit tuaj komjuterik”, thuhet në apelin që kreu i uniformave blu të kryeqytetit, Ardian Çipa, u drejton institucioneve shtetërore.
Lidhur me këtë, Drejtoria e Policisë së Qarkut Tiranë, ka hapur një web site të saj si dhe disa rrjete sociale në internet, ku mundt të na gjeni ëëë.tiranapol.org apo Fame Page Drejtoria e Policisë –Qarku Tiranë.
Sa sipër, Drejtori i Policisë së Qarkut Tiranë Drejtues Ardian Çipa, më datë 28 Prill 2014 ora 11.00’ do te zhvilloje nje takim me pjesëmarrjen e rreth 100 studenteve të Fakultetit të Teknologjisë së Informacionit.
Gjatë takimit më tej do të diskutohen: shkëmbimi i ideve midis të rinjve dhe policisë; çështje që shqetësojnë të rinjtë; forcimi i bashkëpunimit polici -komunitet – arsim; evidentimi i problematikave dhe marrja e masave për zgjidhjen e tyre sikurse edhe gjetja e rrugëve të zgjidhjes së problemeve bashkërisht.
Gjithashtu, gjatë këtij eventi do të diskutohem edhe për vlerësimin e ideve të studentëve dhe aplikimi i tyre për zgjidhjen e problemeve, planifikim më efikas dhe efiçent i shërbimeve të policisë në funksion të parandalimit të krimit si dhe afrimin e Publikut tek Policia si një shërbim policor dhe jo forcë policore.
