Partia ultranacionaliste bullgare “Ataka” përmes një deklarate i ka kërkuar Parlamentit bullgar që “Strumica, Bosilgradi e Dimitrovgradi, që banohen nga bullgarë, t`i kthehet Bullgarisë”. Kjo kërkesë është bërë si kusht për mbështetjen e Maqedonisë në rrugën e integrimeve euroatlantike. Deputetët e këtij formacioni politik kanë dorëzuar kërkesën që territoret e banuara me bullgarë në Serbi dhe Maqedoni të kthehen nën qeverisjen e Bullgarisë, transmetojnë lajmin mediat bullgare.Partia “Ataka” ka theksuar se Marrëveshja e Paqes e Nejit, e firmosur 94 vjet më parë, është jolegjitime, pasi që atëherë i janë aneksuar Bullgarisë pjesë të territorit të Krahinës Perëndimore. Kjo parti thekson se këto territore që sot janë në Maqedoni dhe Serbi duhet t`i kthehen Bullgarisë. Sipas “Ataka”, Maqedonia në atë kohë nuk ka ekzistuar si subjekt, ndërsa Serbia nuk është trashëgimtare juridike e Mbretërisë Serbo- Kroato-Sllovene, andaj këto territore duhet ti kthehen Sofjes zyrtare.
“Çështja duhet të zgjidhet para se Serbia të bëhet anëtare e BE-së dhe Maqedonia të nis negociatat për anëtarësim”, theksoi Adrian Asenov, deputet i partisë “Ataka”.
