Armët kimike të Sirisë do të shkatërrohen në një luftanije amerikane

54

armet-kimike-ne-siriAgjencia Ndërkombëtare e Shkatërrimit të Armëve Kimike i kërkoi autoriteteve siriane që të “intensifikojnë përpjekjet” për të larguar me anije armët kimike dhe lëndët prekuxrsore jashtë vendit.

Një anije norvegjeze ndodhet në qytetin port të Latakias, e gatshme për t’u ngarkuar me mbi 1 mijë tonët e arsenalit kimik sirian.

Kalimi i ngarkesës në këtë anije është vonuar, për shkak të rreziqeve që ka krijuar prezenca e kryengritësve pranë Latakias.

Megjithatë, sipas agjencisë i takon Damaskut zyrtar që të garantojë kushtet për transferimin e sigurt të kësaj lënde, në bazë të marrëveshjes që shmangu ndërhyrjen ndërkombëtare mbi Siri.

Në bazë të një marrëveshje të negociuar nga SHBA dhe Rusia, eliminimi i plotë i armëve kimike duhet të ndodhë brenda gjysmës së parë të vitit 2014.

Pas refuzimit të Shqipërisë, është vendosur që shkatërrimi të vazhdohet të kryhet brenda një luftanije të specializuar amerikane.