Gjykata e Shkodër ka dhënë 30 ditë burg për policin, Berhan Bajrakurti me akuzën e ngacmimit seksual, pasi pak ditë më parë iu bë publikë një video teksa kryente veprime të turpshme.
Vëllai i efektivit, Afrim Bajrakurtaj tha se Berhan Bajrakurti nuk ka punë me të miturën.
“Me të miturën nuk ka punë, në pastë punë ai nuk është vëllai ynë.. Por ato janë rrëna të gjitha, janë skenarë të medias. Videoja është e montuar nga mediat, nga ju. Si mund të arrestohet një njeri pa fakte dhe prova. Nëse vëllai ynë e ka bërë atë gjë, mos daltë nga burgu, nuk na duhet gjë ai vëlla, por nuk e ka bërë”.
Dyshohet se efektivi është regjistruar teksa ishte duke komunikuar në rrjetet sociale me të miturën nga Kopliku.
Ka qenë e ëma e vajzës që ka konstatuar videon dhe pasi ka parë pamjet e rënda ka biseduar me 15-vjeçaren dhe më pas i është drejtuar Komisariatit të Koplikut për të bërë denoncimin.
Por, dy ditë më parë, ministri i Brendshëm, Sandër Lleshaj tha se nuk ka një denoncim për këtë rast, madje as personi që ka bërë publik videon nuk dihet kush është.
