Jetojmë në epokën ku individët dhe turmat rendin me profesione të ngarkuar, orare të zgjatura, jetë sociale, trafik i ngjeshur, parkime të munguara, etj.
E pamundur për të ndjekur palestrat, prandaj edhe specialistët rendin për të krijuar programe sa më lehtësuese që njerëzit ta kenë palestrën kudo që ndodhen. Tashmë sporti nuk shihet si aktivitet, por një mënyre jetese, përshkon çdo moment të jetës.
Fatkeqësisht palestrat tona ende servirin programe të vjetruara, nga të cilat shpesh njerëzit dalin të sfilitur për tu përplasur në shtrat në vend që të vrapojnë në aktivitetet e tjera të ditës. Ndërsa përkundrazi, stërvitja duhet të jetë një parahyrje, start i një ditë të bukur e dinamike, ajo që do orientojë në suksesin e asaj dite.
Stërvitja nuk është e vetme ajo që mban trupin në formë, tepër rëndësi ka edhe mënyra si një shtëpiake jeton, ushqehet, trajtohet, mendon, etj, këto janë hallka domosdoshmërish të lidhura bashkë, janë si ngjyrat që bëjnë të tërën e një pikture.
Ja 10 hapa që bëjnë shtëpiaket të jenë në formë të mirë fizike e shpirtërore:
1 – Të ngrihen herët dhe para se të largohen nga shtrati të bëjnë mbi të ushtrime streching (tërheqje) të lehta për të rritur elasticitetin e trupit dhe gjallërimin fizik e mendor
2- Para se të hanë mëngjesin, të bëjnë 30 minuta ushtrime mbi tapet, jo mbi shtrat, kolltuk apo divan, sepse ata janë shumë elastike apo të butë, gjë që pengon ushtrimet, mos kërceni në litar sepse hedhjet me dy këmbë njëkohësisht ju dëmtojnë gjunjët.
3- Pas ushtrimeve, një dush me ujë të vakët e më pas të ftohtë për të aktivizuar qarkullimin e gjakut dhe rritur elasticitetin e lëkurës
4- Pas dushit një meditim për 10 minuta duke u mbushur thellë me frymë, gjatë këtij momenti të përqendrohen në temën e ditës që dëshirojnë të realizojnë duke menduar pozitivisht, e sigurtë që do realizohet më me lehtësi.
5 – Më pas një mëngjes të lehtë duke u përqëndruar në ushqim e jo në tv apo lexim gazete, kusht për asimilimin e ushqimit dhe më pas një kafe.
6- Të ulen në tryeze të uritura e të ngrihen të pangopura. Ushqimin ditor ta konsumojnë jo në 3, por në 5 vakte. Kjo për të rënë në peshë apo për të penguar mbipeshën.
7- Gjatë kohës që gatuajnë në aneks, barkun e vithet ti mbajnë të shtrënguara, për të evituar zgjerimin apo varjen e tyre, kjo quhet gjysma e punës që bëhet në palestër.
8- Nëse janë të lodhura apo të stresuara duhet të hapin një muzikë e ta shoqërojnë me zë, të këndojnë lehtë, kjo largon përqëndrimin nga problemi, kjo quhet terapi me muzikë.
9 – Për rritjen e adrenalines (humorit) në pauzat gjatë punëve të shtëpisë të hapin tv apo radio me muzikë ritmike e të hedhin hapa lirshëm kërcimi, kjo nxit qarkullimin e gjakut, e dërgon në pjesën e sipërme të trupit, sepse gjatë qëndrimit në një vend ai grumbullohet në këmbët poshtë dhe shkakton probleme me arteriet marrje mendsh, lodhje etj.
10 – Mos bini të flini pa ngrënë darkë, gabim për ata që mendojnë se bien nga pesha, ushqimin e darkës konsumojeni minimalisht 2 orë para fjetjes, hani kryesisht gjëra të lehta dhe treteni atë me ecje kryesisht në natyre, duke thithur boll oksigjen.
Kur jeni në shtrat për një gjumë me cilësi merrni frymë thelle nga hunda, shpërndajeni në të gjithë trupin, ndiqeni mendërisht rrugën ku fryma shpërndahet dhe nxirreni shumë gradualisht. Pa kaluar 10 frymëmarrje të tilla ju do të jeni në gjumë me ëndërra të bukura.
