Bayerni Mynihut ka mposhtur me lehtësi kampionin e Azisë, Guangzhou Evergrande, me rezultat 3-0, në gjysmëfinale të Kupës së Botës për Klube që po zhvillohet në Marok. Ekipi i drejtuar nga Marcello Lippi befasoi në çerekfinale duke mposhtur kampionin e Afrikës, Al Ahly, me rezultatin 2-0, por kampionia e Evropës nuk i dha shans në asnjë moment.
Që nga vërshëllima e parë e gjyqtarit, loja u zhvillua në gjysmën e klubit kinez me bavarezët që bënin presion të pandërprerë. Aziatikët hasën shumë vëshirësi në krijimin e rasteve dhe u mbyllën në portën e tyre atje ku edhe gabuan në disa raste. Pas shtyllave të Thiagos dhe Kroosit, erdhi goli i epërsisë nga Franck Ribery në minutën e 40-të. Para se të shkonin skuadrat në pushim, Mario Mandzukic e shënoi edhe një gol për bavarezët në minutën e 44-të pas një asisti të dhuruar nga Tiago.
Me fillimin e pjesës së dytë vetëm pas dy minutash, Mario Gotze merr një top nga David Alaba dhe shënon golin e tretë për ekipin gjerman. Guangzhu u përpoq me të gjitha mënyrat për të shënuar të paktën një gol, por mbrojtja e Bayernit ishte e vendosur mjaft mirë. Mesfushori shqiptar që mbron ngjyrat e Zvicrës, Xherdan Shaqiri, hyri në fushë në minutën e 72-të në vend të Frenk Riberi dhe zhvilloi 30 minuta shumë të mira. Ekipi i Guardiolës e menaxhoi shumë mirë lojën deri në fund, për të kursyer energji. Në finale, Bayern Munichu do ta presë fituesin nga dueli në mes të kampionit të Marokut, Raja Casablanca dhe fituesit të Copa Libertadores, Atletico Mineiro.
