Një grua braziliane ka vdekur në vend para syve të familjes së saj pasi është goditur nga një rrufe në plazh. 36-vjeçarja Rosangiela Biavati, nënë e një fëmije, ka humbur jetën në Guaruja të Sao Paulos. Fotoja e parë tregon viktimën që po i drejtohet ujit me duart drejt djalit 11-vjeçar, duke i thënë atij që të dalë nga uji pasi po afron stuhia. Foto e dytë tregon rrufenë që ka goditur edhe pse pamja pengohet nga një makinë Mitsubishi e parkuar në breg. Dy fotot e tjera tregojnë disa burra duke marrë trupin e goditur nga rrufeja.
“Moti po përkeqësohej dhe ne vendosëm të largoheshim. Unë po vendosja çantat në makinë dhe fëmijët ishin në det. Gruaja shkoi t’i thërriste dhe kur ktheva kokën, e pashë të shtrirë në tokë. U shokova”, tha bashkëshorti i saj. Ndërsa specialist i motit theksoi se rrufetë janë më të rrezikshme në ketë periudhë pasi përqindja e lagështirës në ajër është shumë e madhe, ndryshe nga stina e verës. Familja kishte shkuar të kalonte një ditë në plazh, kur moti papritur u përkeqësua dhe disa goditje rrufe u dëgjuan duke shkaktuar tragjedinë.
