Vëzhguesit ushtarakë të Organizatës për Siguri dhe Bashkëpunim në Evropë (OSBE), të cilët u penguan dje nga persona të armatosur të hyjnë në gadishullin ukrainas të Krimesë do të përpiqen sërish sot, bëhet e ditur nga eskorta shoqëruese.
Ky burim, duke dashur të ruajë anonimatin, nuk ka saktësuar ku dhe kur të 40 vëzhguesit që përfaqësojnë 21 prej 57 kombeve të organizatës ndërkombëtare do të përpiqen të hyjnë në territorin e gadishullit.
Krimeja bashkohet me Ukrainën vetëm nga dy istme, lehtësisht të kontrollueshme.
Pasi u dëbuan dje në një nga dy pikat e kalimit nga persona të armatosur, ata u kthyen dhe e kaluan natën në qytetin Kherson të Ukrainës skaji verior i vendit.
