PD: Qeveria ka manipuluar shifrat e INSTAT

58

rushajPartia Demokratike në një deklaratë për mediat ka akuzuar Institutin e Statistikave dhe qeverinë se kanë mashtruar me statistikat e vitit 2013-të për nevoja politike.

Sipas ish zv. Ministrit te Financave, Alfred Rushaj, qeveria ka qëllim që të nxjerrë tre-mujorin e tretë të vitit të shkuar negativ për të fajësuar qeverinë e demokratëve dhe të flasë për optimizëm në tre-mujorin e katërt, kur në qeveri erdhën të majtët.

“Skenari është i qartë dhe i lexueshëm. 3-mujori i tretë të dalë negativ meqenëse në drejtim kanë qenë demokratët, dhe nga 3-mujori i katër, pra nga 3-mujori që kanë ardhur në pushtet socialistët të fillojë optimizmi, të fillojë rritja, me një fjalë të ndrisë cdo gjë. Ne do paraqesim vetëm 3 fakte, së pari na del se 3-mujori i dytë, pra pranvera, paska patur turizëm më të madh se 3-mujori i tretë, që është 3-mujori i verës. Industria nxjerrëse e cila ka rritje të eksporteve me rreth 22 përqind në krahasim me të njëjtin 3-mujor të vitit 2012, cuditërisht del në rënie prej 4 përqindësh, së treti Prodhimi i Brendshëm Bruto 3-mujore, përgatitet bazuar në deklaratat tatimore, të cilat sic i dini mungojnë dhe për këtë nuk është marrë asnjë burim tjetër alternativ të dhënash”, tha ish-zv Ministri i Financave, Alfred Rushaj.