Meta nisi vizitën në Kosovë, takohet me Krasniqin

61

ilirmetaKryetari i Kuvendit të Shqipërisë, Ilir Meta nisi sot vizitën zyrtare në Kosovë, ku u prit në një takim nga kreu i Kuvendit të Kosovës, Jakup Krasniqi.
Pas takimit dy homologët Meta dhe Krasniqi do të zhvillojnë një konferencë të përbashkët për shtyp. Më pas, Kryetari i Kuvendit të Shqipërisë do të takohet me Kryeministrin e Republikës së Kosovës, Hashim Thaçi.
Gjatë vizitës në Kosovë, Meta do të zhvillojë homazhe pranë varrit të ish-presidentit, Dr. Ibrahim Rugova dhe tek Varrezat e Jasharëve në Prekaz, për të vijuar takimet me personalitete si kryetari i Koalicionit për Kosovë të Re, Behxhet Pacolli, Kryetarin e Komunës së Prishtinës, Shpend Ahmeti, kryetarin e Lidhjes Demokratike të Kosovës, Isa Mustafa, kryetarin e Aleancës për Ardhmërinë e Kosovës, Ramush Haradinaj, kryetarin e Lëvizjes Vetëvendosje, Albin Kurti, etj.
Në ditën e dytë vizita e Kryetarit të Kuvendit të Shqipërisë do të spostohet në Gllogjan, Deçan për t’u mbyllur në Gjakovë. meta 1 DSC02292

Në ditën e dytë vizita e Kryetarit të Kuvendit të Shqipërisë do të spostohet në Gllogjan-Deçan, ku do të kryejë një vizitë në familjen Haradinaj, si dhe në Manastririn e Deçanit. Kreu i Kuvendit do të takohet edhe me Kryetaren e Komunës së Gjakovës, Mimoza Kusari-Lila, si dhe do të kryejë një vizitë në Çarshinë e Vjetër të Gjakovës.