Krijohet Kolegji i Këshillimit të Trashëgimisë Kulturore

59

ministria e kulturesSot, në ambientet e Ministrisë së Kulturës u zhvillua mbledhja e parë e Kolegjit të Këshillimit për Trashëgiminë Kulturore.

Në përbërjen e tij janë historianë, arkeologë, etnologë, ekspertë të trashëgimisë kulturore dhe drejtues të institucioneve të trashëgimisë kulturore. Anëtarët e këtij kolegji këshillues, dr.Afërdita Onuzi, prof. Pëllumb Xhufi, prof. Aleksandër Meksi, prof.dr.Vaso Tole, prof.i associuar Lorenc Bejko, prof.

Gjergj Frashëri, prof. dok. Emin Riza, prof.dr.Pirro Thomo, dr. Ilir Gjipali, prof. Arben Biçoku, Lida Miraj, Arta Dollani, Zhulieta Harasani, Zef Çuni, mes të cilëve profesorë dhe arkeologë të nderuar u shprehën se “Ky është takimi i parë në fushën e trashëgimisë kulturore, që organizohet në nivel ministror me personalitete të fushës”.

Krijimi i këtij kolegji, me pjesëmarrjen dhe përgjegjësinë e Ministres së Kulturës, znj. Mirela Kumbaro Furxhi, krijohet për një konsulencë dhe vazhdimësi të përhershme të këtij “këshilli të të urtëve” me konsulentë të fushës.

Në këtë takim u diskutua për zhvillimin e politikave kombëtare në fushën e trashëgimisë, ku Ministria e Kulturës e vë theksin në këtë konsulencë të përhershme me anëtarët e Kolegjit të Këshillimit.

Vlen të theksohet se, takimi, i cili zgjati më shumë se dy orë, u përqëndrua në shumë prej pikave të nxehta të trashëgimisë duke filluar me diskutimin për strukturat e reja të DRKK-së, stategjinë e mirëmbajtjes së monumenteve,

legjislacionin në fushën e trashëgimisë kulturore, procesin e rishikimit të rregulloreve të evidentimit dhe të tjera po aq të rëndësishme si: standartet në punimet restauruese, procedimet e konservimit, dixhitalizimi i informacionit, rishikimi i listës së monumenteve të kulturës në të gjithë vendin, etj.