Publikuar Ne: 26 Janar 2014
80 shikime
AKTUALITET / BOTA | By albaniaplus

Ukrainë, opozita në protestë deri në përmbushjen e plotë të kërkesave

ukraine protestShumë nga krerët e opozitës ukrainase deklaruan dje në mbrëmje përpara manifestuesëve në Kiev se kishin ndërmend të vazhdonin lëvizjen e tyre protestuese, pas propozimeve të bëra nga presidenti Viktor Janukoviç, me qëllim që t’i japë një drejtim krizës.

Pa u shprehur qartë mbi propozimin e emërimit dy prej tyre në krye të qeverisë, ata siguruan se do të vazhdojnë të qëndrojnë të mobilizuar deri sa të gjitha kërkesat të përmbushen, si fillim mbajtja e zgjedhjeve presidenciale që këtë vit dhe jo vitin tjetër, sikurse parashikohet.

“Lufta vazhdon”, ka thërritur një opozitar nacionalist, Oleg Tiagnybok, përpara mijëra personave të mbledhur në sheshin Pavarësia.

“Ne jemi të vendosur dhe nuk do të tërhiqemi aspak, ndonëse duhet të pranojmë se Janukoviçi ka plotësuar një pjesë të mirë të kërkesave tona.”, ka siguruar nga ana e tij Vitali Kliçko, të cilit kreu i shtetit i propozoi të bëhet zëvendëskryeministër.

“Negociatat vazhdojnë, ne kërkojmë organizimin e zgjedhjeve presidenciale që këtë vit”, ka shtuar ish-boksieri.

Arseni Jaceniuk, të cilit i është orfuar posti i kryeministrit, ka deklaruar se është i gatshëm të marrë përgjegjësitë e tij, por ai shton, se nuk beson asnjë nga fjalët e thëna nga pushteti aktual.

“Nuk do të lëvizim aspak nga pozicionimi ynë”, ka thërritur lideri i partisë “Baktivchtchina” e opozitares së burgosur, Julia Timoshenko.

Tre opozitarët, për më tepër, kanë kërkuar shbërjen e ligjeve shtypëse të miratuara në 16 nëntor dhe që kanë sjellë një radikalizim të lëvizjes.

81 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Optimization WordPress Plugins & Solutions by W3 EDGE
We use cookies to ensure that we give you the best experience on our website.
Ok