Publikuar Ne: 31 Janar 2014
65 shikime
BOTA | By albaniaplus

SHBA, Prokurorët kërkojnë dënim me vdekje për Tsarnaev

TsarnaevProkurorët amerikanë do të kërkojnë dënimin me vdekje kundër të dyshuarit për sulmin terrorist në Maratonën e Bostonit vitin e kaluar.

Prokurori i Përgjithshëm amerikan Eric Holder, njoftoi dje se qeveria do të kërkonte ekzekutimin e 20 vjeçarit Dzhokhar Tsarnaev, nëse ai shpallet fajtor. Tsarnaev akuzohet se aktivizoi dy bomba artizanale në garën vjetore, duke shkaktuar vdekjen e tre vetëve dhe plagosjen e mbi 260 të tjerëve.

Qeveria federale rrallë herë kërkon dënime me vdekje dhe vetëm 3 vetë janë ekzekutuar që nga viti 1988, kur mbaroi një moratorium mbi ekzekutimet. Zoti Holder tha se “sjellja e të pandehurit në këtë çështje dhe dëmet në njerëz si rezultat i saj” ishin motivimi për të kërkuar dënimin me vdekje.

Prokurorët argumentojnë se Tsarnaev, në atë kohë 19 vjeç, dhe i vëllai, 26-vjeçari Tamerlan Tsarnaev, të dy me origjinë çeçene dhe me banim në Shtetet e Bashkuara prej më se 10 vjetësh, prodhuan bombat dhe planifikuan sulme në vijën e finishit si hakmarrje për veprimet ushtarake amerikane në vende myslimane.

Ende nuk është caktuar data për gjyqin e Tsarnaevit, mbi të cilin rëndojnë 30 akuza, përfshirë akuzën për përdorimin e një arme të shkatërrimit në masë.

Tamerlan Tsarnaev u vra në shkëmbim zjarri me policinë, pak ditë pas shpërthimit. Pas një operacioni masiv të forcave të rendit, Dzhokhar Tsarnaev u gjet i fshehur në një varkë në oborrin e një banese private në rrethinat e Bostonit.

66 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Optimization WordPress Plugins & Solutions by W3 EDGE
We use cookies to ensure that we give you the best experience on our website.
Ok