Publikuar Ne: 18 Mars 2014
46 shikime
AKTUALITET / Lajmet e fundit / POLITIKE | By albaniaplus

Rrëzohet amendamenti i republikanëve për pronat në bregdet

mediuKomisioni i Veprimtarisë Prodhuese ka rrëzuar amendamentin e kreut të PR-së, Fatmir Mediu, për kthimin e tokave të bregdetit pronarëve të ligjshëm. Kreu i komisionit, Eduard Shalsi, e përcaktoi amendamentin si të pamjaftueshëm për të zgjidhur çështjen e pronave në tërësi, ndërsa Mediu deklaroi se është abuzuar me dhënien e pronave në jug të vendit.

“Ky projektligj synon të përmirësojë situatën për kthimin e pronave pronarëve legjitimë, tokat e të cilëve përfshihen me vendndodhje në zonat e parashikuara me ligj të posaçëm për zhvillimin e turizmit. Nga ana tjetër kjo do të ndikonte në mënyrë të ndjeshme në uljen e faturës financiare për ata pronarë të cilëve i është njohur e drejta e pronësisë nga AKKP-të, por që janë kategorizuar në subjekte që duhet të trajtohen me kompensim financiar. Miratimi dhe zbatimi i këtij propozimi i shërben jo vetëm interesit të pronarëve të ligjshëm, e drejta e të cilëve është nëpërkëmbur prej më shumë se 20 vitesh tashmë, por edhe në interesin më të mirë të një zhvillimi të qëndrueshëm të turizmit në zonat bregdetare, dhe për rrjedhojë në interes të ekonomisë kombëtare”, -tha Mediu.

Ndërsa kryetari i komisionit, Eduard Shalsi, thas e qeveria ka hartuar një plan pune dhe veprimi për çështjen e pronës që është mbështetur edhe nga komiteti i ministrave të Këshillit të Europës

“Kjo mazhorancë ka hartuar një plan pune dhe veprimi për çështjen e pronës që është mbështetur edhe nga komiteti i ministrave të Këshillit të Evropës. Çdo tentativë për të zgjidhur çështjen e pronës me forma të tilla do të jetë e dështuar që në krye të herës. Pa unifikuar institucionet, pa dixhitalizim dhe pa një bankë të dhënash çështja e pronës do të vazhdojë të rrokulliset në të tatëpjetën që ka marrë,” -tha Shalsi.

Ndërkohë që përfaqësuesi i PDIU-së, Dashamir Tahiri, ka kërkuar që në projektligj të përfshihen edhe tokat në Greqi.

Ndryshimet në projektligjin e prezantuar nga Fatmir Mediu synonin që pronat e shtetëzuara në bregdet, të konfiskuara ose të marra në çdo mënyrë tjetër nga shteti, të kalojnë në pronësi të pronarëve që i kanë zotëruar ato para vitit 1945.

47 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Optimization WordPress Plugins & Solutions by W3 EDGE
We use cookies to ensure that we give you the best experience on our website.
Ok