Publikuar Ne: 18 Prill 2014
689 shikime
RAJONI | By albaniaplus

Presidentja Jahjaga takon Kryeministrin Thaçi

Atifete Jahjaga dhe Hashim ThaciPresidentja e Republikës së Kosovës, Atifete Jahjaga priti sot në takim Kryeministrin e Republikës së Kosovës, Hashim Thaçin, me të cilin diskutoi për zhvillimet aktuale në vend.

Në komunikatën e dërguar bëhet e ditur se, Presidentja Jahjaga dhe Kryeministri Thaçi theksuan nevojën për arritjen e konsensusit shoqëror dhe politik për proceset e rënda, por të domosdoshme për të siguruar që Kosova i përmbush obligimet e saj në fushën e drejtësisë dhe vazhdimit të mandatit të misionit të EULEX-it në Kosovë, të përshkruar në letërkëmbimin e diskutuar dhe pajtuar paraprakisht ndërmjet institucioneve të Kosovës dhe Bashkimit Evropian.

Presidentja Jahjaga dhe Kryeministri Thaçi vlerësuan se sado i rëndë të jetë i gjithë ky proces do të përqendrohet në individë dhe veprime individuale dhe nuk është gjykim i përpjekjeve kolektive të popullit për çlirim dhe pavarësi.
Presidentja Jahjaga dhe Kryeministri Thaçi biseduan edhe për prezantimin e Kosovës në skenën ndërkombëtare dhe tërheqjen e investimeve, që do të mundësojnë një zhvillim të qëndrueshëm ekonomik të vendit dhe hapjen e vendeve të reja të punës.

690 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Optimization WordPress Plugins & Solutions by W3 EDGE
We use cookies to ensure that we give you the best experience on our website.
Ok