PD: Rama-Meta po godet diplomacinë shqiptare

54

aldo bumçiPartia Demokratike ka akuzuar qeverinë se po godet diplomacinë pasi profesionistët po i zëvendëson me militantë. Në një konferencë për shtyp, deputeti demokrat Aldo Bumçi ka denoncuar sot arbitraritetin e qeverisë ndaj diplomatëve të karrierës.

Deklarata e Aldo Bumçit

Gjatë këtyre 4 muajve të qeverisjes Rama- Meta diplomacia shqiptare si dhe mbrojtja dhe avancimi i interesave tona kombëtare kanë marrë një sërë goditjesh. Duke filluar me dëmin që iu bë marrëdhënieve me aleatin strategjik SHBA për çështjen e armëve kimike, ku superfuqia e botës u mbajt peng për dy muaj për një nga çështjet më të nxehta të sigurisë botërore për të cilën Shtetet e Bashkuara të Amerikës ishin investuar në nivelin më të lartë.

Mosmarrja e statusit të vendit kandidat në dhjetor, ku si asnjëherë tjetër numri i shteteve që i thane JO Shqipërisë, u rrit duke përfshirë vendet më të rëndësishme të Bashkimit Europian, si Gjermania, Franca, Britania e Madhe; Një JO që u ripërsërit nga nivelet më të larta të Bashkimit Europian dhe vendeve anëtare kur ne deklaruam se ishim ekstremistët që na penguan të marrin statusin.

Dëmi që shkaktoi deklarimi dhe nominimi i partnerëve tanë strategjikë, një qasje e gabuar, e panevojshme e cila krijoi çoroditje në marrëdhëniet tona dhe dëmtoi diplomacinë tonë.

Për të ardhur tek zbatimi i politikes së “Zero problemeve me fqinjet”, e deklaruar që në fillimin, siç kemi parë këto ditë në qëndrimin që po mban qeveria shqiptare për çështjen e devijimit të lumit të Radikës, ku Mimnistria e Punëve të Jashtme dhe qeveria shqiptare nuk mbron interesat kombëtare për shkak të motos “zero probleme me fqinjët”. Çfarë rezulton me zerimin e interesit tonë kombëtar.

Këto ditë diplomacia shqiptare ka marrë një tjetër goditje të rëndë, Ministri i Punëve të Jashtme, z. Bushati ka nxjerrë në listë pritje 52 diplomatë karriere, të cilët kanë një mbrojtje të dyfishtë janë të mbrojtur jo vetëm nga ligji për nëpunësin civil por dhe nga ligji për shërbimin e jashtëm duke gëzuar status të dyfishtë.

Ndërkohë, që janë mbajtur në punë persona pa statusin e diplomatit, pa përvoje për shkak të lidhjeve të tyre politike dhe nepotike.

Padyshim nuk mund të pritej qëndrim tjetër dhe nuk mund të kishte vlerësim për shërbimin tonë të jashtëm nga Ministri i cili i konsideron ambasadad dhe misionet tona në botë si Konvikte. Një deklaratë e papreçedentë, e padëgjuar më parë, ku Ministri i Jashtëm zhvlerëson përfaqsuesit e vendit të tij në botë dhe në sytë e partnerëve tanë.

Janë pikërisht këta diplomatë që kanë dhënë kontributin e tyre të çmuar në ratifikimin e MSA-së, në antarësimin e NATO-s, liberalizmin e vizave, njohjen e Pavarësisë  së Kosovës, avancimin e projketeve të mëdha si TAP-i. Gazsjellësi Transadriatik për të përmneduar vetem më të rëndësishmet.

Ministria e Punëve të jashtme pavaresiosht zhvillimeve dramatike në këto 20 vite, si dhe ndryshe nga shumë sektorë të tjerë të qeverisjes ka arritur të ruajë në një shkallë të konsiderueshme vazhdimësinë në shërbimin e jashtëm, duke mos prekur diplomatët e karrierës. Kjo gjë vlente deri tani, me politikën e vitit zero që po aplikohet nga kjo qeveri, i është dhënë një goditje e rëndë shërbimit diplomatik dhe profesionistëve.