Nuland viziton nesër Tiranën

52

victoria-nulandNdihmës sekretarja amerikane e Shtetit për Çështjet e Evropës dhe EuroAzizë, Viktoria Nuland, pritet të vizitojë nesër Shqipërinë. Departamenti amerikan i Shtetit, konfirmoi vizitën e zyrtares së DASH në Tiranë.

Nuland do të takohet me përfaqësuesit më të lartë të qeverisë dhe liderëve politikë, për të diskutuar çështje të ndryshme dypalëshe dhe rajonale, duke përfshirë integrimin euro-atlantik të vendit tonë në Bashkimin Evropian.

Pas vizitës në Shqipëri, Nuland (më 13 Korrik) do të gjendet në Kosovë dhe Serbi për të diskutuar mbi dialogun mes dy vendeve dhe zbatimin e marrëveshjes të arritur në Bruksel.

Sot zyrtarja e DASH ndodhet në Kroaci për të marrë pjesë në Forumin e 9 të Kroacisë, ku do të mbajë dhe një fjalim mbi Ballkanin Perëndimor. Gjatë qëndrimit në Kroaci, Nuland do të takohet me zyrtarë të lartë të qeverisë së vendit si dhe me udhëheqësit e rajonit që do të jenë të pranishëm në konferencën për çështjet e sigurisë rajonale dhe të energjisë.

Viktoria Nuland gjatë këtij turi do të qëndrojë edhe në Podgoricë, Mal të Zi, Maqedoni, Belgjikë dhe Britani.

Më 14 korrik, Nuland do të udhëtojë drejt Shkupit, ku do të takohet me zyrtarë të lartë qeveritarë dhe krerët e partive me në fokus diskutimin për rrugën euro-atlantike të vendit dhe për çështje të tjera me interes të përbashkët.