Publikuar Ne: 25 Janar 2014
50 shikime
AKTUALITET / POLITIKE | By albaniaplus

LSI fton PD ti bashkohet Komisionit: Jetike për vendin e integrimin

luan ramaPërballë refuzimit të opozitës për tu bërë pjesë e komisionit të posaçëm parlamentar për reformën territoriale pa u plotësuar 3 kushtet e saj, LSI ka përsëritur ftesën ndja demokratëve, duke i apeluar atyre të mos vetëpërjashtohen nga ky proçes.

“Në terësinë e reformave të mëdha që duhet të përmbushë vendi në kuadër të anëtarësimit të procesit të integrimit në BE, për të bërë të mundur që vetë ecuria e reformave në vend të jetë e atillë qe edhe për nga cilësia dhe shtrirja të jenë të ngjashme me reformat që meriton një vend i BE. Reforma administrativo-territoriale merr një rëndësi të dorës së parë. Ndaj LSI jo vetëm e konsideron një hap të rëndësishëm, por do jetë kontributore e rëndësiShme për të bërë të mundur që të realizohet reforma administrative dhe territoriale në mënyrë që çdo pjesë e këtij vendi, cdo pëllëmbë e këtij vendi të jetë pjesë e projekteve të mëdha të zhvillimit. Parandaj duke e parë si çështje të rëndësihme që s’mund të mbetet më peng e interesave të ngushta, partiake dhe meskine të klaneve tëndryshme politike, LSI fton opozitën në mënyrë të veçantë PD që të zërë vend në këtë komision dhe të jetë pjesë e rëndësishme kontributore e rëndësishme për të bërë të mundur që të gjithë sëbashku përmes një konsensusi, partneriteti dhe bashkëpunimi serioz të realizojmë reformën administrative-territoriale duke dëshmuar përpara opinionit publik, por dhe partnerëve tanë ndërkombëtarë seriozitet, angazhim dhe përgjegjshmëri ashtu siç i takon të sillet një force politike europiane në Shqipërinë europiane” tha ai.

I pyetur nga Ora News sesi do veprojë mazhoranca në rast se opozita nuk do ta njohë këtë Komision, Sekretar i Përgjithshëm i LSI, Luan Rama tha:

“Nuk kam arsye të besoj që opozita dhe PD nuk janë të angazhuara dhe nuk e kanë në prioritetet e tyre realizimin e kësaj reforme. Ndaj jam këtu në emër të LSI, ta ftoj PD për tu bërë pjesë e reformës. Çdo hap drejt përafrimit me BE ka nevojë për një opozitë serioze, luajale dhe konstruktive. Është gjithmonë koha për të reflektuar me përgjegjshmëri përballë interesave të vendit në radhë të parë, por që edhe opozita të mosvetëpërjashtohet siç ka ndodhur për fat të keq më parë, por të jetë pjesë integrale në këtë proçes. Jam i bindur që në PD do fitojë logjika e shëndoshë që vendi ka nevojë për reforma të mëdha dhe reformat e mëdha kanë nevojë për kontributin e PD dhe opozitës. Nuk është çështje interesash partiake, trillesh individuale por çështje që lidhet me interesat e vendit, ndaj jam i bindur që PD do gjejë seriozitetin për të dhënë angazhimin. Janë shprehur parimisht po, të gjitha kushtet që ofron vendimi i Kuvendit për ti dhënë rol prioritar opozitës në këtë vend janë të mjaftushme për të kuptuar seriozitetin e ofertës politike që ka bërë mazhoranca dhe përballë tij pritet e njëjta gjë edhe nga opozita” theksoi Rama.

Nga ana tjetër ai ka lënë të hapur mundësinë që partia e tij të dalë me një paketë propozimesh për këtë reformë, krahas asaj të PS.

“LSI ka kapacitetet e saj intelektuale, përvojën e nevojshme, shtrirjen e vetë në gjithë hapësirën e vendit me përfaqësimin e saj jo vetëm në Kuvend, por dhe qeverisjet lokale , ka specialistë të zotë që mund dhe do ofrojnë kontributin tonë që e gjithë reforma të realizohet me sukses dhe të përligjë të gjithë interesat e qytetarëve të vendit nga Vermoshi në Konispol” përfundoi Rama.

Të enjten mazhoranca miratoi vetëm me votat e saj komisionin e posaçëm për reformën parlamentare dhe i la kohë opozitës për të miratuar emrat e 16 anëtarëve të tij në seancën e radhës.

Por demokratët kanë deklaruar se nuk do të ndryshojnë qëndrim në rast se mazhoranca nuk tërheq aktin normativ për statusin e nëpunësit civil dhe nuk ndal sulmin ndaj AMA-s dhe ILDKP-së.

51 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Optimization WordPress Plugins & Solutions by W3 EDGE
We use cookies to ensure that we give you the best experience on our website.
Ok