Publikuar Ne: 18 Mars 2014
56 shikime
AKTUALITET / POLITIKE | By albaniaplus

Corlatean: Do t’ju mbështesim për statusin

bushati-corloteanNë takimin me ministrin e Jashtëm të Rumanisë, Titus Corlatean, ministri ynë i Jashtëm, Ditmir Bushati vuri theksin në thellimin e bashkëpunimit ekonomik mes dy shteteve, si dhe në intensifikimin e dialogut politik. Ministri Bushati u shpreh se avancimi i marrëdhënieve me vendet e rajonit në të gjitha fushat e bashkëpunimit përbën një element të rëndësishëm të politikës rajonale të Shqipërisë.

Në faqen e saj zyrtare, Ministria e Punëve të Jashtme, bën me dije se të dy ministrat biseduan në lidhje me situatën e vendeve të Ballkanit Perëndimor, si dhe për zhvillimet e fundit në Ukrainë. U vlerësua gjithashtu kryesimi i radhës nga Rumania i SEECP-it dhe u shkëmbyen mendime lidhur me marrjen e këtij kryesimi nga Shqipëria në qershor të 2014-ës.

“Nga ana e tij, ministri Corlatean u shpreh se vizita e tij në Shqipëri është tregues i forcimit të marrëdhënieve mes dy vendeve dhe aktivizimit të dialogut politik, dhe se i shërben një qasjeje pozitive rajonale. Ai tha se Rumania e ka mbështetur dhe do vazhdojë ta mbështesë Shqipërinë në rrugën e saj të integrimit evropian”, -thuhet më tej në faqen zyrtare të MPJ-së.

Ministri Corlatean ndodhet në Tiranë në kuadër të vizitës që po zhvillon kryeministri rumun Ponta.

57 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

We use cookies to ensure that we give you the best experience on our website.
Ok