Publikuar Ne: 29 Janar 2014
139 shikime
Lajmet e fundit / SPORT | By albaniaplus

Berisha rrezikon skualifikimin

ertrit berishaHistoria dukej se ishte mbyllur me përfundimin e merkatos së verës, në momentin kur portieri kuqezi, Etrit Berisha, u transferua nga Kalmari te Lazio, panvarësisht se ishte komplikuar gjithçka nga një parakontratë që Kievo pretendonte se gardiani shqiptar kishte firmosur me veronezët. Berisha dhe menaxheri tij mohonin gjithçka, deri në momentin kur Igli Tare ndërmori blicin final dhe mori në skuadrën e tij numrin 1 shqiptar.

Telenovela Berisha tani është rihapur, zërat që mbërrijnë nga Italia janë shqetësuese dhe për këtë Lazio ka pasur një takim me drejtuesit e Milanit për të siguruar shërbimet e portierit brazilian Gabriel, ndërkohë që edhe Milani interesohet për Marketin, por nuk është ky lajmi i tratativës, pra fakti që Marketi ka përfunduar në pankinë. Siç shkruan “SkySport”, Lotito dhe Tare janë të shqetësuar nga skualifikimi i mundshëm i Etrit Berishës. Rreziku vjen nga telenovela e verës me Kievon: sipas klubit veronez, shqiptari ka firmosur një kontratë të rregullt, përpara se të anashkalonte gjithçka dhe të transferohej te bardhekaltërit.

Menaxheri dhe vetë Berisha mohojnë plotësisht këtë version. Një histori që kishte qëndruar në qetësi prej disa kohësh, por që tani është rikthyer frikshëm në skenë ndoshta edhe si pasojë e paraqitjeve mjaft të mira të tij.

140 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Optimization WordPress Plugins & Solutions by W3 EDGE
We use cookies to ensure that we give you the best experience on our website.
Ok